Politike

Zgjedhjet e 11 majit/ Nesër afati i fundit për t'i dorëzuar në KQZ, Rama mbledh nesër Kryesinë e PS për të zyrtarizuar listën e deputetëve

Para mbledhjes së Kryesisë, Rama do të zhvillojë një takim edhe me bordin e diasporës që drejtohet nga ministri Taulant Balla.

11 Mars 2025, 12:02 Nga r.ll
Zgjedhjet e 11 majit/ Nesër afati i fundit për t'i dorëzuar
mbledhje e grupit te ps

TIRANË- Ditën e nesërme përfundon afati i vendosur nga Komisioni Qendror Zgjedhor për dorëzimin e listave të deputetëve për zgjedhjet parlamentare. 

Sipas informacioneve, lista e Partisë Socialiste do të zyrtarizohet ditën e nesërme në mbledhjen e Kryesisë që do të zhvillohet në orën 19:00. Bëhet me dije se para mbledhjes së Kryesisë, Rama do të zhvillojë një takim edhe me bordin e diasporës që drejtohet nga ministri Taulant Balla.

Kryeministri Edi Rama ka deklaruar në mbledhjet e tij gjatë këtyre tre ditëve me kabinetin e ministrave dhe me Grupin Parlamentar të PS-së, se deputetët qoftë edhe me 1 mandat do të jenë pjesë e listave të hapura. Ndonëse nuk ka asgjë të zyrtarizuar, Rama ka lënë të nënkuptohet se pjesë e listave të mbyllura do të jenë drejtuesit politikë të qarqeve dhe disa emra të rinj. 

Për veten e tij, kreu i qeverisë ka shprehur se nuk ka marrë ende një vendim, ndërsa ka thënë gjithashtu se mund të mos jetë fare pjesë e listave. 

edi rama zgjedhjet e 11 majit

Sondazh

Poll

MË SHUMË