Politike

Zgjedhorja, Bylykbashi: Të kthehemi tek marrëveshja e 5 qershorit, koalicioni me lista të hapur ka prodhuar rotacionin politik

Gjatë njëprononcimi për mediat, Bylykbashi tha se Koalicionet parazgjedhore dhe rikthimi tek praktika ligjore e viteve 2003-2008 kur në Kodin Zgjedhor ekzistonin të dyja format e koalicionit, ajo me listë të përbërë dhe të përbashkët është një prej propozimeve të demokratëve.

11 Prill 2024, 13:43 Nga M.B
 
Zgjedhorja, Bylykbashi: Të kthehemi tek marrëveshja e 5 qershorit,
Oerd Bylykbashi

TIRANA- Deputeti i Partisë Demokratike, Oerd Bylykbashi tha se palët politike duhet të rikthehen tek marrëveshja e  5 qershorit për reformën zgjedhore. Gjatë njëprononcimi për mediat, Bylykbashi tha se Koalicionet parazgjedhore dhe rikthimi tek praktika ligjore e viteve 2003-2008 kur në Kodin Zgjedhor ekzistonin të dyja format e koalicionit, ajo me listë të përbërë dhe të përbashkët është një prej propozimeve të demokratëve.

“Të japim listën e hapur të partive politike. Zgjedhësi të ketë të drejtën të zgjidhë cilën parti të votojë. Të gjithë të marrin vesh në mënyrë transparentë sa vota ka marrë secila parti e koalicionit dhe mbi bazën e këtyre votave partitë marrin mandate. Detyrimi kushtetues tashmë përcakton që votimi me listën e hapur përcakton edhe se kush nga kandidatët   e partisë së koalicionit merr mandatin. Por e para është rikthimi tek diçka që është absolutisht funksionale.

Koalicioni me listë të hapur ka prodhuar mundësinë që të marrim vesh jo vetëm kush janë partitë, por edhe të ketë rotacion politik. Sot kemi PS që ka të paktën 5 mandatë më shumë seç i takojnë me votën e saj, ndërkohë PL që i takonin 11 mandate ka vetëm 4 mandate. PSD me vetëm 30 mijë vota ka marrë 3 mandate. Kjo është e padrejtë është vjedhje dhe votë e pabarabartë. Sigurisht në kuadër të kësaj të trajtohet edhe vendimi i Gjykatës Kushtetuese. Prioriteti tjetër është rekomandimi i OSBE ODIHR”, tha Bylykbashi.

oerd bylykbashi

Sondazh

Poll

MË SHUMË