Art&Argëtim

Pas problematikave me tekstin, Izraeli publikon këngën e re pjesmarrëse në Eurovizion

Teksti tani tregon historinë e një gruaje që po përjeton një krizë personale.

11 Mars 2024, 14:37 Nga S.B
Pas problematikave me tekstin, Izraeli publikon këngën e re
Eden Golan

IZRAEL- Izraeli ka zbuluar hyrjen e tij të regulluar për Eurovision Song Contest, pasi versioni origjinal u refuzua për ngjyrimet e perceptuara politike. Eden Golan tani do të këndojë Hurricane, një version i rishkruar i “October Rain”, i cili mendohej se i referohej sulmeve të Hamasit të 7 tetorit në Izrael. Balada u shfaq premierë në TV izraelit të dielën.

Teksti tani tregon historinë e një gruaje që po përjeton një krizë personale. Tekste të tilla si "Nuk ka mbetur ajër për të marrë frymë" dhe "Ata ishin të gjithë fëmijë të mirë, secili prej tyre", u panë si referenca për viktimat e sulmit vdekjeprurës të Hamasit, i cili shkaktoi ofensivën aktuale tokësore të Izraelit në Gaza.

Muzikalisht, Hurricane është e njëjta këngë si kënga e mëparshme, por teksti tani është më i përgjithshëm, me fraza të tilla si "Çdo ditë, po humbas mendjen" dhe "Unë jam ende i thyer nga ky uragan". Siç pritej, shprehja “shiu i tetorit” është hequr plotësisht.

Referencat origjinale për ajrin e helmuar dhe fëmijët e vdekur janë ndërruar për më të përgjithshmet: "Nuk ka nevojë për fjalë të mëdha, vetëm lutje. Edhe nëse është e vështirë për t'u parë, ju gjithmonë më lini një dritë të vogël."

izraeli eurovision

Sondazh

Poll