Sport

VIDEO/ Leverkusen mposht me lehtësi Wolfsburgun dhe kthehet në +10 ndaj Bayern, “OK” Eintracht dhe Freiburg...

Skuadra e Xabi Alonso fiton 2-0 dhe rifiton avantazhin ndaj bavarezëve me dy shifra, 3-1 në rikthimin e Frankfurtit ndaj Hoffenheim.

11 Mars 2024, 01:32 Nga DOSJA

VIDEO/ Leverkusen mposht me lehtësi Wolfsburgun dhe kthehet në +10

GJERMANI - Bayer Leverkusen iu kundërpërgjigj menjëherë Bayern Munichut dhe të dielën e ditës së njëzetepestë të Bundesligës, fitoi 2-0 në shtëpi kundër Wolfsburgut, duke e rikthyer në dhjetë pikë avantazhin ndaj bavarezëve. Golat e Tella (37') dhe Wirtz (86') vendosën ndeshjen, pasi Jenz u përjashtua nga fusha në minutën e 28-të. 

Bayer Leverkusen fiton dhe rikthehet në +10 ndaj Bayern Munich, duke mposhtur Wolfsburg 2-0 në “BayArena”. Gati për të shkuar dhe skuadra e Xabi Alonso fillon të imponojë ritmin e vet të ndeshjes, me posedim të vazhdueshëm të topit në gjysmën e fushës kundërshtare. 

Mysafirët u përpoqën të frenonin sulmet e “Aspirinës” dhe në minutën e 28-të erdhi episodi që ndryshoi lojën: një verdhë e dytë për Jenz-in dhe Wolfsburg mbetet me dhjetë lojtarë në fushë.  Mikpritësit e shfrytëzuan thuajse menjëherë: në minutën e 37-të Tella shënoi golin 1-0, pasi me kokë e dërgon në rrjetë krosimin e Grimaldos. 

Bardheblerët treguan një reagim të vakët, por pjesa e parë u mbyll me një avantazh të kuqezinjve. Plani taktik i pjesës së dytë është mjaft i qartë: Bayer e mban topin për një kohë të gjatë në gjysmën e fushës kundërshtare, duke rrezikuar pak dhe duke kërkuar me këmbëngulje golin e sigurisë. 

Në finale, Wirtz kujdeset që ta vendosë ndeshjen në kasafortë, me një breshëri të mprehtë me këmbën e djathtë, pas një asistimi të bukur nga Palacios. Leverkusen fiton 2-0 dhe arrin në 67 pikë, në krye të Bundesligës dhe sërish dhjetë pikë përpara Bayern Munichut të vendit të dytë.

Në ndeshjet e tjera të ditës Eintracht Frankfurt gjithashtu fitoi 3-1 në një rikthim kundër Hoffenheim, si dhe Freiburg, i cili mundi Bochum 2-1 jashtë.

B.T (Dosja.al)

Sondazh

Poll

MË SHUMË