Sport

Brentford ankohet për gjykimin: “Havertz duhet të ishte jashtë, para se të shënonte”...

Kai Havertz arriti të shënonte një gol të madh për Arsenalin për t'i kthyer ata në krye, me lojtarët e Brentfordit megjithatë që kishin ankesa të forta për arbitrimin. Thomas Frank ishte këmbëngulës që gjermani duhej të ishte përjashtuar përpara se të shënonte.

10 Mars 2024, 13:00 Nga DOSJA

Brentford ankohet për gjykimin: “Havertz duhet të ishte

ANGLI - Me Kai Havertz si shpëtimtar, Arsenali arriti të mposhtë Brentfordin në fund dhe të ngjitet në krye të Premierligës, në pritje të derbit të madh “Anfield” mes Liverpoolit dhe Manchester Cityt.

Gjermani ka qenë në formë të tmerrshme së fundmi dhe duket se po godet më mirë se kurrë.  Megjithatë, sipas njerëzve të Brenfordit, Havertz nuk duhej të ishte në fushë në minutën që shënoi, me Thomas Frank, që argumentoi se ai duhej të ishte përjashtuar përpara se të shënonte!

Më konkretisht, trajneri i Brentfordit ndalet në gjysmën e pjesës së dytë, kur Havertz u hodh në zonë në përpjekje për të mashtruar arbitrin dhe për të fituar një penallti. Sigurisht që gjermani nuk fitoi asgjë, por ai arriti të shpëtojë nga kartoni i verdhë, që do të ishte i dyti për të në ndeshje!

Frank foli për incidentin dhe deklaroi, se Havertz duhej të ishte përjashtuar në atë moment të ndeshjes, me një karton të dytë të verdhë për teatrimin që bëri. “Unë mendoj se Havertz nuk duhet të ishte në fushë kur shënoi golin. Ishte një hedhje e qartë. Mund të kishte qenë e vështirë për arbitrin ta shihte, por ndihmësi i tij duhet ta kishte parë”,- tha Frank pas ndeshjes në konferencën për shtyp.

Në fakt, Brentford ngarkoi imazhet në fazën e diskutueshme në mediat sociale, duke treguar zhytjen e Havertz nga të gjitha këndvështrimet.

B.T (Dosja.al)

Sondazh

Poll

MË SHUMË