Bota

Shumë vende ndërprën kontributet e tyre, Spanja rrit fondet për agjencinë e OKB-së për refugjatët palestinezë

Vende të mëdha, përfshirë SHBA-në dhe Britaninë e Madhe, kanë ndërprerë fondet për agjencinë pas akuzave izraelite se disa nga stafi i saj morën pjesë në sulmin e 7 tetorit nga militantët e Hamasit.

5 Shkurt 2024, 13:33 Nga r.ll
Shumë vende ndërprën kontributet e tyre, Spanja rrit fondet
foto ilustruese

MADRID- Spanja do të rrisë fondet e saj për Agjencinë e Kombeve të Bashkuara për refugjatët palestinezë (UNRWA) pavarësisht se donatorët kryesorë kanë ndërprerë kontributet e tyre. Madridi do të japë një ndihmë shtesë prej 3.5 milionë eurosh, tha sot në mëngjes ministri i jashtëm Jose Manuel Albares.

"Situata e UNRWA është e dëshpëruar dhe ekziston një rrezik serioz që aktivitetet e saj humanitare të paralizohen në Gaza brenda pak javësh," u tha Albares politikanëve, shkruan SkyNews.

Vende të mëdha, përfshirë SHBA-në dhe Britaninë e Madhe, kanë ndërprerë fondet për agjencinë pas akuzave izraelite se disa nga stafi i saj morën pjesë në sulmin e 7 tetorit nga militantët e Hamasit.

Disa persona nga stafi janë shkarkuar dhe një hetim është duke u zhvilluar, me disa raporte që pretendojnë se anëtarët e stafit dyshohet se kanë marrë pjesë në masakrat e kibucit dhe në rrëmbimet e pengjeve izraelite. 

Të premten, Portugalia fqinje njoftoi ndihmë shtesë për UNRWA me vlerë 1 milion euro, duke thënë se ishte thelbësore të mos i kthejmë shpinën popullatës palestineze në këtë kohë të vështirë.

unrwa spanje

Sondazh

Poll

MË SHUMË