Bota

Ministri gjerman i Mbrojtjes në takim me Osmanin: KFOR i përgatitur, tregoni maturi, do kemi kujdes në të ardhmen me Serbinë

Ministri gjerman tha se biseduan edhe për rrethanat e vështira në të cilat shteti i ri i Kosovës duhet ta ruajë sovranitetin dhe integritetin e tij.

5 Shkurt 2024, 13:00 Nga M.B
Ministri gjerman i Mbrojtjes në takim me Osmanin: KFOR i përgatitur,
Boris Pistorius

KOSOVA- Ministri i Mbrojtjes së Gjermanisë, Boris Pistorius, në një konferencë të përbashkët për mediat me presidenten e Kosovës, Vjosa Osmani, tha se patën një bisedë të hapur. Ministri gjerman tha se biseduan edhe për rrethanat e vështira në të cilat shteti i ri i Kosovës duhet ta ruajë sovranitetin dhe integritetin e tij. Pistorius tha se pas SHBA-së, Gjermania është mbështetësja më e madhe e Kosovës.

Ai foli për kontigjentin e ri të ushtarëve gjermanë që do të vijë në Kosovë këtë pranverë pranë forcave të KFOR.

“KFOR mbetet dhe është bërë e qartë, si garantues për stabilitet dhe siguri. Stabiliteti i rajonit dhe i Kosovës është i një rëndësie të veçantë për ne. Do ta ofrojmë një kontigjent shtesë që do të vijë këtë pranverë. KFOR-i është hallka e tretë e sigurisë në vend dhe është i përgatitur si është më së miri. Bëjmë thirrje për maturi dhe kujdes. Kjo pra është kërkesa. Në perspektivë, të gjitha palët, edhe Kosova, duhet të kontribuojnë në shtensionimin e situatës. Këtu edhe roli i Serbisë është i veçantë, për të cilin ne do të kemi kujdes edhe në të ardhmen”, tha Pistorius.

Ai bëri thirrje edhe për dialog dhe normalizimin e marrëdhënieve ndërmjet Kosovës dhe Serbisë.

“Dialogu duhet të rinis shpejt sepse vetëm atëherë mund t’i afrohemi integrimit të Kosovës dhe rajonit dhe këtu bën pjesë edhe zbatimi i zotimeve në Ohër”, tha Pistorius.

 

kosova kfor serbia gjermania

Sondazh

Poll

MË SHUMË