Bota

Serwer: Serbia përdor leva ushtarake, politike dhe ekonomike me serbët në Kosovë, që mos pranojnë autoritetin e Prishtinës

Në artikullin e tij ai shkruan se serbët në jug të lumit Ibër janë më të integruar dhe kanë bërë paqe.

5 Shkurt 2024, 12:48 Nga S.N
Serwer: Serbia përdor leva ushtarake, politike dhe ekonomike me serbët
Daniel Serwer

SERBI- Daniel Serwer, njohës i zhvillimeve politike të Ballkanit Perëndimor ka publikuar një artikull sa i përket Kosovës dhe Serbisë. Artikulli është titulluar “Si t`i kundërvihemi botës serbë”. Në artikullin e tij ai shkruan se serbët në jug të lumit Ibër janë më të integruar dhe kanë bërë paqe. Ndërsa ata në komunat veriore janë më pak të integruar pasi Beogradi përmes levave ekonomike, politike, ushtarake, përfshirë këtu edhe frikësimet nga shërbimet sekrete serbe, është siguruar që serbët në komunat në veri ta refuzojnë autoritetin e Kosovës.

“Katër komunat veriore me shumicë serbe të afërta me Serbinë janë shumë më pak të integruara sesa ato në jug të Ibrit. Duke përdorur levat e tij ushtarake, ekonomike dhe politike, duke përfshirë frikësimin nga shërbimet sekrete dhe partnerët e tyre të krimit të organizuar, Beogradi ka siguruar me sukses që ata të refuzojnë të pranojnë autoritetin e Prishtinës. Serbët e veriut kanë bojkotuar zgjedhjet komunale dhe janë tërhequr nga institucionet e Kosovës,” shkruan Serwer.

Serwer ka folur edhe lidhur me asosacionin e komunve me shumicë serbe, duke thënë se kjo mënyrë do tu mundësojë atyre, të qeverisin veçmas nga Prishtina. “Serbia dëshiron që komunat me shumicë serbe të formojnë një Asociacion. Kjo do t’u mundësonte atyre të qeverisin bashkërisht dhe veçmas nga Prishtina, si në RS. Në mjedisin e duhur gjeopolitik, Asociacioni mund të veprojë edhe si mjet për ndarjen e katër komunave veriore nga një shtet që Beogradi ende nuk e njeh. Ishte një shoqatë e ngjashme e autoriteteve provinciale që çoi në formimin e RS-së përpara përpjekjes për shkëputjen e saj në 1992 nga Bosnja,”tha ai.

Ai e vazhdon artikullin duke treguar se çfarë duhet të bëjë Kosova sa I përket luftimit të botës serbe. “Ajo duhet t’i bindë serbët e veriut se ata do të jenë më mirë si qytetarë të Kosovës (edhe nëse e mbajnë edhe shtetësinë serbe). Disa po lëvizin në atë drejtim, siç sugjerohet nga gatishmëria e tyre e shtuar për të marrë targa, letra identiteti dhe pasaporta të Kosovës. Por shumë nga serbët në veri kanë qenë ndër kundërshtarët më luftarak dhe ndonjëherë të dhunshëm të Prishtinës. Beogradi ia ka dalë që ta bëjë kontaktin me serbët e veriut shumë më të fuqishëm sesa komunikimin me serbët në komunat që nuk janë afërta me Serbinë. Kryeministri Kurti po flet më shumë në gjuhën serbe të rrjedhshme. Të gjitha autoritetet e Prishtinës duhet të jenë më të kujdesshme se sa kanë qenë në të kaluarën për të shfaqur flamurin etnikisht neutral të vendit, në vend të flamurit etnik shqiptar (gjithashtu flamurin e Shqipërisë) që shumë prej tyre preferojnë. Zbatimi i shumë marrëveshjeve për ndarjen e pushtetit në kushtetutë nuk është i lehtë, por ende i nevojshëm. Kështu është edhe mbështetja financiare për komunitetet serbe dhe zbatimi i vendimit të Gjykatës Kushtetuese për manastirin e Deçanit, të cilin Prishtina e ka refuzuar deri më tani,” tha ai.

Sondazh

Poll

MË SHUMË