Sport

Chelsea punëson një kompani sigurie, për të mbrojtur talentin 16-vjeçar në Ekuador...

Kendry Páez, i cili luan për Independiente del Valle, tashmë ka rënë dakord për një transferim te “Blutë” në vitin 2025.

18 Janar 2024, 16:38 Nga DOSJA

Chelsea punëson një kompani sigurie, për të mbrojtur

EKUADOR - Chelsea punësoi një kompani private sigurie për të mbrojtur Kendry Páez, një i ri ekuadorian vetëm 16 vjeç, i cili tashmë ka planifikuar një transferim te “Blutë” në vitin 2025, kur të arrijë moshën madhore.

Sipas ‘Telegraph’, klubi anglez dëshiron të sigurohet, që Páez, i parë si një nga premtimet më të mëdha në futbollin e Amerikës së Jugut, të mbrohet nga sulmet e dhunshme dhe grabitjet që kanë ndodhur në Ekuador në javët e fundit. Dhe përveç kësaj, “Blutë” po paguajnë edhe për mbrojtjen e familjes së tij.

Duhet të theksohet se Kendry Páez, 16 vjeç, bëri debutimin e tij me ekipin e të rriturve të Ekuadorit në shtator të vitit të kaluar. Mesfushori, i cili përfaqëson Independiente del Valle, kohët e fundit luajti në Kupën e Botës U20 dhe u bë më i riu që ka shënuar ndonjëherë në kompeticion. Sipas ‘Transfermarkt’, ai ka një vlerë tregu prej 10 milionë eurosh.

B.T (Dosja.al)

Sondazh

Poll

MË SHUMË