Sport

Njohje e vjetër! Andre Onana është në prag të bashkimit me Manchester United...

“Djajtë e Kuq” janë në prag të kompletimit të një transferimi të madh me portierin e Interit

8 Korrik 2023, 10:58 Nga DOSJA

Njohje e vjetër! Andre Onana është në prag të bashkimit

ANGLI - Gjigantët anglezë të Manchester United janë afër nënshkrimin e tyre të dytë veror përpara fillimit të sezonit 2023/24, sipas ekspertit të transferimeve Florian Plettenberg. Bëhet fjalë për një marrëveshjeje me portierin e Interit, Andre Onana.

E ardhmja e David de Gea mbetet e pasigurt, pasi kontrata e tij ka skaduar që më 30 qershor. Spanjoli tani është një lojtar i lirë dhe ende është në pritje të një vendimi nga drejtuesit e United. Skuadra nga Mançesteri vazhdon negociatat me numrin 1 të saj për një kontratë të re të mundshme.

Bëhet e ditur se De Gea ishte gati të nënshkruante për kushte të reja, para se t'i skadonte kontrata e vjetër dhe më pas “Djajtë e Kuq” e tërhoqën ofertën e tyre. Me zgjatjen e kontratës së tij, portieri 32-vjeçar ka lëshuar një postim të ri të fshehtë në llogarinë e tij në Twitter me një emoji xhongler, që ndoshta do të thotë se saga është kthyer në një cirk.

E ardhmja e tij në Manchester United tani duket se varet nga ndjekja e klubit pas kamerunasit Andre Onana. Ylli afrikan kërkohet nga trajneri Eric ten Haag, dikur portier i Ajax, si numri një në portë dhe negociatat me zikaltrit kanë përparuar.

Manchester United tashmë ka bërë disa oferta për 27-vjeçarin. Sipas informacioneve të fundit, Interi do të pranojë shumë shpejt ofertën e “Djajve të Kuq” dhe Onana do të kalojë në “Old Trafford”.

B.T (Dosja.al)