Sport

Pas Xhakës, Arsenali po shet edhe mesfushorin tjetër, Partey drejt Juventusit…

Thomas Partey do të largohet nga “Emirates”. Para ganezit janë dy oferta: Arabia Saudite dhe Italia…

8 Korrik 2023, 08:30 Nga DOSJA
Pas Xhakës, Arsenali po shet edhe mesfushorin tjetër, Partey drejt

ANGLI - Mesfushori i Arsenalit, Thomas Partey, ka të ngjarë të ndjekë shembullin e Granit Xhakës dhe të largohet nga Arsenali. 

Ai ka oferta nga dy klube në Arabinë Saudite, njëra prej të cilave është Al Nassr i Cristiano Ronaldos, por ganezi preferon të qëndrojë në Evropë të paktën edhe për disa vite. Dëshira e tij është të kalojë te gjigantët italianë Juventus, të cilët janë gjithashtu të interesuar për Partey.

Arsenali e ka shitur tashmë Granit Xhakën te Bayer Leverkusen, duke i lënë vend Kai Havertz-it të ardhshëm. Tani, megjithatë, Mikel Arteta duhet të gjejë vend në skuadrën e tij edhe për blerjen e yjeve si Declan Rice. 

Në këtë mënyrë trajneri spanjol do të ruajë harmoninë në skuadër dhe në të nuk do të ketë lojtarë të pakënaqur me kohën e aktivizimit. Megjithatë, ai do të privohet nga thellësia në skuadrën e tij, gjë që mund të rezultojë të jetë problem në një moment të sezonit, pasi Arsenali do të konkurrojë edhe në Europë sezonin e ardhshëm.

Ashtu si Arteta, Massimiliano Allegri gjithashtu dëshiron të heqë qafe disa mesfushorë përpara se të sjellë të rinj. Ai dëshiron të ndahet me Weston McKenney, Dennis Zakaria dhe Arthur Melo. 

McKennie po ndiqet nga Roma dhe po tërheq interesin e një sërë klubesh, ashtu si Zakaria, ndaj shitja e dy mesfushorëve nuk duhet t'i shkaktojë probleme Juventusit. Mirëpo, ky nuk është rasti me Arthurin, i cili sezonin e kaluar ishte pjesë e Liverpoolit, por vështirë se luajti për Merseysiders për shkak të një dëmtimi të rëndë.

Megjithatë, Max Allegri shpreson se përfundimisht do të mund të ndajë rrugët me lojtarët me të cilët nuk dëshiron të punojë dhe të sjellë të rinj.

B.T (Dosja.al)

Sondazh

Poll

MË SHUMË