Sport

Drejtuesit e rinj të Milanit, Daniel Maldinin e huazojnë tani te Empoli...

Futbollisti i ri do të largohet përkohësisht nga “San Siro”

8 Korrik 2023, 10:20 Nga DOSJA
Drejtuesit e rinj të Milanit, Daniel Maldinin e huazojnë tani te

ITALI - Gazetari italian Gianluca Di Marzio bën me dije se Milani do të ndahet përkohësisht nga  Daniel Maldinin.

Djali i legjendës së “kuqezinjve” Paolo Maldini, Daniele, do të transferohet te skuadra e Empolit, pasi sezonin e fundit e kaloi si huazim në La Spezia. Kujtojmë, se Paolo Maldini ishte drejtor teknik në klubin e Milanos para se të lirohej nga posti në fillim të qershorit.

Në marrëveshjen për Daniel Maldinin do të ketë një opsion për blerjen e tij në shumën prej 5 milionë eurosh dhe kontrata e tij do të jetë për një periudhë 1+3 sezone. Nëse skuadra e Empolit e aktivizon këtë opsion, Milani do të mund ta riblejë atë për 6 milionë euro.

Daniel Maldini pati një sezon të mirë 2022/23 si i huazuar te La Spezia. Ai luajti 18 ndeshje duke shënuar 2 gola. Deri më tani, futbollisti ka luajtur 15 ndeshje për Milanin me një gol të shënuar. 

Ai nënshkroi për kuqezinjtë në një fitore 2-1 ndaj La Spezias më 25 shtator, duke bërë edhe debutimin e tij të parë në Serie A.

B.T (Dosja.al)

Sondazh

Poll

MË SHUMË