Sport

Ronaldo ‘Fenomeni’ zbulon një problem të madh për futbollin brazilian...

Ish-ylli sulmues është i mendimit se shumë gjëra në vendlindjen e tij duhet të ndryshojnë në përgatitjen e talenteve...

8 Korrik 2023, 09:30 Nga DOSJA
Ronaldo ‘Fenomeni’ zbulon një problem të madh për

SPANJE - Legjenda braziliane, Ronaldo ‘Fenomeni’ vuri në dukje një problem shumë serioz për futbollin në vendin e tij. Ai deklaroi se talentet nuk zhvillohen në mënyrën më të mirë dhe vetëm kur ata mbërrijnë në Evropë, fillojnë të marrin përgatitjen e duhur që të çon në rezultate të rrufeshme.

“Vinicius është një shembull i gjendjes aktuale të futbollit të të rinjve në Brazil. Kur erdhi te Real Madridi në moshën 18-vjeçare, nuk mundej ta kontrollonte topin me këmbën e majtë. Në Brazil nuk e kishin përgatitur atë në aspektin teknik, sepse kjo nuk zhvillohet atje”,- thotë Ronaldo.

“Edhe në Madrid, kur filluan të punojnë si duhet me të, ai u transformua brenda dy viteve dhe sot është lojtari që ka rolin më të madh në vendosjen e gjërave. Dhe Vinicius vinte nga një shkollë e një klubi të madh si Flamengo. 

Futbolli brazilian është prapa në krahasim me futbollin evropian dhe do të duhen 5-6 vjet për të balancuar gjërat. E mira është se sindikata e futbollit investon në përgatitjen e vetë trajnerëve”, shtoi ai.

“Vetëm në Serinë A janë dhjetë të huaj mes mentorëve. E di që do të më kritikojnë se nuk jam patriot, por unë preferoj trajnerët e huajt. Dhe është e rëndësishme që edhe ata të jenë po me këtë klas”, tha ai për trajnerët elitarë të Brazilit.

B.T (Dosja.al)

Sondazh

Poll

MË SHUMË