Sport

Vonon rikthimi, Manuel Neuer nuk është gati për fillimin e stërvitjes me Bayern

Portieri me përvojë vazhdon rikuperimin

8 Korrik 2023, 09:00 Nga DOSJA
Vonon rikthimi, Manuel Neuer nuk është gati për fillimin e

GJERMANI - Lajm shqetësues për Bayern Munichun para fillimit të stërvitjeve verore, portieri titullar i skuadrës, Manuel Neuer nuk do të kthehet për momentin në ekip. Ai ende nuk është rikuperuar plotësisht për të nisur stërvitjen parasezonale, shkruan botimi gjerman “Sky”.

Kapiteni i Bayern Munichut pritej të ishte gati për fillimin e stërvitjeve parasezonale dhe të bënte stërvitjen e tij të parë nën drejtimin e Thomas Tuchel. Megjithatë, kjo nuk do të ndodhë, madje ka dyshime se Manuel Neuer mund të mos jetë gati për fillimin e sezonit të ri. 

Bayern hap sezonin e tij në Bundeslligë jashtë ndaj Werder Bremenit më 18 gusht, përpara se të luajë me RB Leipzig në Superkupën e Gjermanisë gjashtë ditë para kësaj.

Neuer do t'i nënshtrohet një serie të re testesh në mes të këtij muaji dhe më pas duhet të sqarohet gjithçka rreth gjendjes së tij.

Nëse Bayern shet Jan Sommer në verë, skuadra e “Allianz Arena” mund të fillojë stërvitjen e tyre parasezonale me Alexander Nübel dhe Sven Ulreich me përvojë në pozicionin e portierit.

B.T (Dosja.al)

Sondazh

Poll

MË SHUMË