Sport

Mason Greenwood mund të kalojë në Itali, pjesë e një marrëveshjeje: "më jep, të jap"!

Në bisedat mes dy klubeve është diskutuar edhe mundësia që Rasmus Hojlund të marrë rrugën e kundërt dhe të shkojë në “Old Trafford”.

7 Korrik 2023, 19:34 Nga DOSJA
Mason Greenwood mund të kalojë në Itali, pjesë e një

ITALI - Atalanta është e interesuar për të siguruar nënshkrimin e britanikut Mason Greenwood.

Informacioni është bërë i ditur këtë të premte nga “Manchester Evening News”, e cila thotë se po zhvillohen negociata mes klubit italian dhe Manchester United për kalimin e 21-vjeçarit të ri anglez në Serie A si huazim.

I njëjti burim thotë se, në bisedat mes dy klubeve është diskutuar edhe mundësia që Rasmus Hojlund të marrë rrugën e kundërt dhe të shkojë në “Old Trafford”. Kujtojmë se Greenwood, i cili ka kontratë me “ Djajtë e Kuq” deri në vitin 2025, është rikthyer së fundmi në stërvitje, por veçmas. 

Lojtari është parë në një fushë, në zonën e Mançesterit, i shoqëruar nga një trajner personal, për herë të parë që kur ish e dashura tërhoqi, në shkurt, akuzat për tentativë përdhunimi, agresion dhe sjellje kontrolluese.

Ndeshja e fundit e Greenwood ishte më 22 janar 2022, pasi kishte shtuar 82 minuta në një takim midis Manchester United dhe West Ham.

B.T (Dosja.al)

Sondazh

Poll

MË SHUMË