Sport

Emblema e Meksikës nuk ka ndërmend të heqë dorë lehtë nga kombëtarja…

Portieri Memo Ochoa dëshiron të luajë edhe në një Botëror tjetër

8 Korrik 2023, 10:00 Nga DOSJA
Emblema e Meksikës nuk ka ndërmend të heqë dorë

MEKSIKE - Portieri i Meksikës, Guillermo Ochoa tha për “AS” se nuk ka ndërmend të largohet nga kombëtarja. Ai aktualisht është 37 vjeç dhe në Botërorin e ardhshëm që do të luhet në SHBA, Meksikë dhe Kanada, do të jetë 41. Megjithatë, ai ende dëshiron të luajë deri atëherë.

Shkak i polemikave për vendin e Ochoas në skuadër, është dëshira e tifozëve për të filluar rinovimin e ekipit. Kështu ata shpresojnë, që ditët e mira për Meksikën, të kthehen herët a vonë.

Megjithatë, Ochoa, i cili ishte një ‘hero’ për vendin e tij në Kupën e Botës në Brazil në vitin 2014, nuk mendon kështu. Sipas tij, të rinjtë duhet të tregojnë cilësi dhe të luftojnë për vendin e tyre, para se të kenë mundësi të luajnë në Botëror.

“Fëmijët duhet të fillojnë të trokasin në derën time, siç kam trokitur unë. Ata duhet të vijnë këtu dhe ta fitojnë vendin e tyre nga unë. Për sa kohë që ndihem mirë dhe trajnerët besojnë tek unë dhe ndjej se mund të kontribuoj diçka për ekipin, do të vazhdoj ta ndihmoj kombëtaren me paraqitjet e mia”,- tha Ochoa.

B.T (Dosja.al)

Sondazh

Poll

MË SHUMË