Bota

Gjendet shëndoshë e mirë kuzhinieri që u raportua se ishte rrëmbyer në Ekuador, ish-bashkëshortja: Ishte inskenim

Policia po përpiqet të rindërtojë të gjitha detajet e historisë, dhe po dëgjon deklarimet e shefit të kuzhinës. Për momentin nuk është e qartë nëse është paguar një shpërblim.

29 Qershor 2023, 10:11 Nga m.s
Gjendet shëndoshë e mirë kuzhinieri që u raportua se ishte
Panfilo Colonico

ITALI- Panfilo Colonico, kuzhinieri 49-vjeçar nga Sulmona (L'Aquila) i rrëmbyer në Ekuador një javë më parë, është liruar. Mediat e huaja kanë shkruar më herët se ai u rrëmbye nga një grup kriminelësh. Por tashmë ai konfirmon se është mjaft mirë.

 "Jam mirë dhe policia më dëgjon. Nuk ishte film", ishin fjalët e tij të para. 

Për ish-bashkëshorten e tij, rrëmbimi kishte qenë një “inskenim”, raporton "TG COM 24". Mjekër e gjatë, bluzë e zezë dhe pantallona të shkurtra, me një fytyrë të lodhur por të buzëqeshur, shefi i kuzhinës u shfaq në gjendje pothuajse të mirë, edhe pse dukshëm i mërzitur. 

Nga sa raportojnë dëshmitarët, do të kishte qenë vetë Colonico që doli përpara biznesit të tij me një taksi. Sipas raportimeve nga Colonico, rrëmbyesit e lanë atë në një kabinë pagese. Policia po përpiqet të rindërtojë të gjitha detajet e historisë, dhe po dëgjon deklarimet e shefit të kuzhinës. Për momentin nuk është e qartë nëse është paguar një shpërblim. 

Dy nga pesë autorët e dyshuar të rrëmbimit, u arrestuan të mërkurën. Pasi u lirua, shefi i kuzhinës fillimisht ra në kontakt me policinë dhe më pas me disa miq nga Sulmona, vendlindja e tij.

panfilo colonico itali

Sondazh

Poll

MË SHUMË