Sport

Mendilibar e fitoi rinovimin në Budapest…

Trajneri bask thyen legjendën e Mourinhos në finale

1 Qershor 2023, 09:30 Nga DOSJA

Mendilibar e fitoi rinovimin në Budapest…

SPANJE - José Luis Mendilibar Etxebarria ka bërë histori me Sevillan. Tre baskë dhe një nga La Mancha, e bënë skuadrën andaluze shtatë here pronare të “medaljes së argjendtë” në shekullin e 21-të: Juande Ramos, Unai Emery, Julen Lopetegui dhe tani i kishte ardhur radha trajnerit Mendilibar, që në Budapest ta fitonte kundër Romës së Mourinhos. 

Ai u shfaq në skenë në një situatë më shumë se delikate, me skuadrën që flirtonte me rënien dhe një amëz të hidhur që nuk parashikonte një fund të lumtur sezoni.  Mendilibar nënshkroi për tre muaj dhe u bë trajneri i tretë i kursit në Nervión. Ai nuk e kishte problem një lidhje kaq të shkurtër. Ai e dinte misionin e tij. Zero shqetësim. Por ai e ka tejkaluar shumë qëllimin e tij dhe Seville po thërret për rinovimin e tij.

Me titullin në xhep janë zbardhur me forcë dyshimet e fundit. José Luis Mendilibar ka fituar  Europa League dhe e ka futur ekipin në Champions League, me injeksionin e rëndësishëm ekonomik që i jep klubit; më shumë se 60 milionë mes Champions League, fitorja në Budapest  dhe luajtja e Superkupës së Europës. 

Mendilibar e fitoi rinovimin në Budapest…

Lojtarët e Sevilles tashmë e kanë xhekpotin. 16 ndeshje, nëntë fitore, pesë barazime dhe dy humbje. Kapërceu dy ndeshje kualifikuese në Europa League, duke rrëzuar dy gjigantë rrugës për në finale: Manchester United dhe Juventus. Dhe në Budapest ra edhe Roma. 

Mendilibar nuk është një copëz; është guri i parë i një projekti. Monchi buzëqeshi kur u pyet për trajnerin, ndërsa skuadra festoi titullin në fushë. "Për të shijuar sot në Seville me tifozët e saj titullin dhe të hënën do të flasim në heshtje. Të gjithë e dimë se çfarë duam." Sevilla e dëshiron Mendilibarin…

B.T (Dosja.al)

Sondazh

Poll

MË SHUMË