Sport

Neymar e ka vendosur! Ja klubi me të cilin është gati të nënshkruajë ylli brazilian...

Neymar (31 vjeç) mund të largohet nga Paris Saint-Germain këtë verë.

1 Qershor 2023, 08:30 Nga DOSJA
Neymar e ka vendosur! Ja klubi me të cilin është gati të

FRANCE - Edhe pse nënshkroi një kontratë të vlefshme deri në vitin 2025, Neymar do të ishte afër një largimi nga Parc des Princes. Braziliani u vu sërish në shënjestër të sharjeve dhe mallkimeve të tifozëve, përkrah Leo Messit, pas eliminimit nga Champions League dhe e ardhmja e tij duket të jetë larg kryeqytetit francez. 

Edhe pse shkruhej se futbollisti që mbetet transferimi më i shtrenjtë në historinë e futbollit, 222 milionë euro, do të kishte marrë oferta të shumta, braziliani do të shqyrtonte vetëm një opsion. Sipas “Mundo Deportivo”, Neymar do të ishte i gatshëm të luante vetëm për Manchester United, një skuadër që tashmë ka shfaqur interes për transferimin e tij. 

Manchester United, i vetmi klub që e dëshiron Neymar 

Kështu, Neymar do t'ia kishte ekspozuar qartë synimet e tij drejtuesve të PSG-së. Nëse transferimi te Manchester United nuk realizohet, atëherë ai dëshiron të përfundojë kontratën me Paris Saint-Germain. 

“Djajtë e Kuq” do të ishin të kënaqur me transferimin e Neymarit, por lëvizja është e ndërlikuar, jo vetëm në kuadrin e shumës që duhet t'u ofrojnë parizienëve, por edhe për shkak të kontratës së madhe që braziliani ka me PSG-në. Lojtari është me një nga pagat më të larta në Evropë dhe një transferim te United mund të ndodhë nëse pranon një tarifë më të ulët. 

B.T (Dosja.al)

Sondazh

Poll

MË SHUMË