Politike

"TRE BANDAT QË BLENË VOTAT"/ Berisha: Autokolona e Bajrajve shëtiste përreth duke marrë vota për Benet Becin

Berisha përmendi edhe Tom Doshin, që sipas tij kontribuoi në fitoren e Becit.

16 Maj 2023, 14:00 Nga A.B
"TRE BANDAT QË BLENË VOTAT"/ Berisha: Autokolona e Bajrajve
Sali Berisha

TIRANË- Kryedemokrati Sali Berisha denoncoi me emra, personat që sipas tij kanë blerë vota. Ai tha se në Velipojë Pëllumb Gjoka ka mbajtur nën pushtim qendrat e votimit, ndërsa Bajrat lëviznin me makina për të mbledhur vota për Benet Becin. Po ashtu, Berisha përmendi edhe Tom Doshin, që sipas tij kontribuoi në fitoren e Becit.

"Pëllumb Gjoka ka mbajtur nën pushtim qendrat e votimit në Velipojë. Kishin qendra që i kishin marrë peng dhe nuk lejonin të afrohej kush. Autokolona e Bajrëve me 3 BMë të blinduara, shëtiste rrugët e Shkodrës për të mbledhur vota për Benet Becin.

Tom Doshi me milionat e veta. Shkodra nuk do pranojë kurrë kthetrat e krimit. U them këtyre kriminelëve se do merrni përgjigjen e merituar. Shkodra është e pamposhtur. Shkodra do çajë këtë rrethim, siç ka çarë edhe rrethimet e tjera. Shkodranët duhet të votonin të qetë, të lirë, siç u takon. Por jo nën terrorin e bandave. Edi Rama nxori bandat, liroi nga burgu me marrëveshje për të mposhtur votën e qytetarëve të Shkodrës. Janë të filmuara"

sali berisha

Sondazh

Poll

MË SHUMË