Bota

Do i vendosin me një varkë! REAGIME kundër Braverman dhe Sunak për planin e emigrantëve, konservatorët me kritika

Deputeti Jonathon Gullis e cilësoi situatën si një "emergjencë kombëtare", kjo pasi qeveria zbuloi planin për të strehuar qindra emigrantë brenda një anijeje në Dorset.

10 Prill 2023, 17:09 Nga k.m.
Do i vendosin me një varkë! REAGIME kundër Braverman dhe Sunak
Rishi Sunak dhe Suella Braverman

BRITANI E MADHE- Mosmarrëveshja e Partisë Konservatore për emigracionin është thelluar pasi deputetët konservatorë kritikuan skeptikët.

Deputeti Jonathon Gullis e cilësoi situatën si një "emergjencë kombëtare", kjo pasi qeveria zbuloi planin për të strehuar qindra emigrantë brenda një anijeje në Dorset.

Anija, e cila do të përdoret për të lehtësuar presionin mbi hotelet, mund të strehojë 506 emigrantë në 222 dhoma gjumi, me një kosto prej 20,000 £ në ditë. Përdorimi i hoteleve për strehimin e emigrantëve aktualisht po i kushton taksapaguesve 6 milionë paund në ditë. Plani u përball me reagime nga brenda fillimisht Partisë Konservatore.

Jonathan Gullis tha për Daily Express: Suella thjesht po ia hedh problemet e saj komuniteteve lokale. Ajo ka premtuar shumë dhe nuk mund t'i ndalë varkat dhe tani është në panik. Po shkakton shqetësim absolut dhe trazira sociale në komunitetet lokale në prag të zgjedhjeve lokale. Qasjen që ata kanë marrë, as që po e konsulojnë me njerëzit.

Emigrantët shqiptarë kanë qenë kryefjala e mediave britanike muajt e fundit dhe sekretarja e Brendshme Suella Braverman është treguar mjaft e ashpër me ta. Referuar numrit të burrave shqiptarë që kanë ‘zbarkuar’ në brigjet britanike, rreth 10 mijë, Sekretarja e Brendshme britanike është shprehur se vendi po pushtohet prej tyre./Express

rishi sunak suella braverman shqiptaret ne britani

Sondazh

Poll

MË SHUMË