Bota

Presidentja e Tajvanit ndalon në SHBA, Kina nis tre luftanije në ujërat që ndajnë ishullin nga kontinenti

Një ditë më parë, Ministria e Mbrojtjes e Tajvanit kishte paralajmëruar praninë e disa anijeve luftarake kineze rreth territorit të saj.

6 Prill 2023, 16:26 Nga a.l
Presidentja e Tajvanit ndalon në SHBA, Kina nis tre luftanije në
Luftanija

KINË- Përgjigja e Kinës ndaj takimit të Presidentit Tajvanez Tsai Ing-wen me liderin e Dhomës së Përfaqësuesve të SHBA-së, Kevin McCarthy, këtë të mërkurë në Kaliforni është rritja e patrullimeve në ujërat që ndajnë ishullin nga kontinenti. Administrata e Sigurisë Detare e provincës kineze të Fujian filloi një operacion special patrullimi dhe inspektimi të enjten në zonën veriore dhe qendrore të ngushticës së Tajvanit.

Stërvitjet detare, të cilat do të zgjasin tre ditë, do të përfshijnë inspektime në terren në anijet e ngarkesave nga të dyja palët, gjë që ka gjeneruar refuzimin e Taipeit, i cili akuzon Pekinin për pengim të tregtisë në rajon. Një ditë më parë, Ministria e Mbrojtjes e Tajvanit kishte paralajmëruar praninë e disa anijeve luftarake kineze rreth territorit të saj, shkruajnë mediat e huaja. 

Tajvani vuri re një aeroplanmbajtëse kineze me anijet e saj. Dhe mëngjesin e kësaj të enjte, një helikopter anti-nëndetëse dhe tre anije luftarake. “Momenti i zgjedhur është mjaft delikat. Ne po studiojmë se çfarë po bëjnë ata”, tha ministri Tajvanez i Mbrojtjes Chiu Kuo-cheng. 

Pavarësisht se autoritetet detare kineze sigurojnë se patrullimet që kanë nisur këtë të enjte janë për të garantuar sigurinë e lundrimit dhe për të siguruar funksionimin e organizuar të projekteve kryesore në këto ujëra, Ministria Tajvaneze e Transportit u ka kërkuar operatorëve kompanitë e transportit detar që refuzojnë t'u nënshtrohen këtyre inspektimeve, të cilat i konsiderojnë si një përpjekje kërcënimi  nga gjigandi aziatik. 

“Nëse kontinenti merr masa të njëanshme, ne do të detyrohemi të përgjigjemi”, kanë siguruar autoritetet portuale tajvaneze, pa dhënë detaje të mëtejshme.

Pekini kishte kërcënuar se do të hakmerrej nëse presidenti tajvanez takohej me numrin tre në hierarkinë e Shteteve të Bashkuara gjatë vizitave tranzite të tyre në atë vend, siç i përkufizuan të dyja palët në një përpjekje për të ulur tensionet. 

tensionet shba-kine

Sondazh

Poll

MË SHUMË