Politike

A po çalon diku opozita? Meta: Ka potencial për t’u përmirësuar

Ilir Meta tha se ka potencial për t’u përmirësuar, por shtoi se është e vërtetë.

9 Shkurt 2023, 19:34 Nga k.m.
A po çalon diku opozita? Meta: Ka potencial për t’u
Ilir Meta

TIRANË- Kreu i Partisë së Lirisë, Ilir Meta, ka theksuar se opozita do të intensifikojë aksionin e saj për të rrëzuar kryeministrin Edi Rama nga pushteti. Në një intervistë për "RTSH 24", i pyetur nëse çalon diku sot opozita, Meta tha se ka potencial për t’u përmirësuar, por shtoi se është e vërtetë.

“Basha nuk donte të gjente forcë dhe atë që kishte ja dorëzoi Ramës. I dorëzoi mandatet, reformën në drejtësi, pushtetin lokal, pra ja dorëzpjë të tëra. Aktualisht kemi një opozitë që pavarësisht disavantazheve që kanë të bëjnë me të kaluarën, është një opozitë në rritje, e forcuar dhe që e ka detyruar kryeministrin të thotë publikisht se nuk ka mëndërmend të hskojë në parlament të merret me opozitën. Pra kemi një kryeministër të dorëzuar para opozitës. Ka shumë potencial për t’u përmirësuar, por është një opozitë e vërtetë që ka axhendën e saj që nuk paracaktohet nga qeveria dhe një opozitë që do e përshkallëzojë jo vetëm aktivitetin e saj, por është edhe një opozitë që nuk ndalet dot nga ky pushtet,”- tha Meta.

Kreu i PL-së u shpreh se opozita do të kthejë parlamentarizmin, teksa theksoi se nuk do të lejojnë që t’i pengohet aksioni.

“Përshkallëzimi është që nga parlamenti ky opozita do fuqizojë përpjekjet për të kthyer parlamentarizmin. Nuk e ka bllokuar opozita parlamentin, por Rama. Opozita ka paraqitur njësërë projektligjesh. Opozita ka një përgjegjesi shumë të madhe për shkak të potencialit opozitar që është në vend për shkak të babëzisë të rilindjes. E kanë kthyer qeverinë në shërbim të një klientele të lidhur ngushtë me ta dhe për përftime të kryeministrit,”-shtoi ai. 

ilir meta

Sondazh

Poll

MË SHUMË