Aktualitet

Situata e motit në Lezhë/ Flet kryetari i Bashkisë: Uji është tërhequr, janë evakuuar disa familje

Uji është tërhequr dhe po punohet për të pastruar në disa lagje. Ai bën me dije se disa familje janë evakuuar dhe se situata paraqitet e qetë. 

20 Janar 2023, 11:09 Nga a.l
Situata e motit në Lezhë/ Flet kryetari i Bashkisë: Uji
Pjerin Ndreu

LEZHË- Kryetari i Bashkisë së qarkut Lezhë Pjerin Ndreu ka deklaruar se situata e motit në këtë qark aktualisht paraqitet pa probleme. Uji është tërhequr dhe po punohet për të pastruar në disa lagje. Ai bën me dije se disa familje janë evakuuar dhe se situata paraqitet e qetë. 

“Siç e shihni uji është tërhequr. Gjatë natës ka rënë shi, por nuk ka më ngarkesë. Tani nuk kemi më situatë emergjente por do ndërhyjmë më lagje për t pastruar. Nëse ka reshje, do mbajmë në kontakt njerëzit që na ndihmojnë. Nuk ka pasur shumë probleme. Kontrolluam zonën, evakuuam disa familje ka pasur probleme por s’kemi pasur situatë jashtë kontrolli. Në Lezhë s’do ketë më të tilla situata", tha Pjerin Ndreu, kryetari i bashkisë së Lezhës.

Si paraqitet situata e motit deri më tani? 

Shqipëria ka hyrë në ditën e katërt që është pushtuar nga moti i keq. Reshjet e dendura të dëborës në zonat malore të Dibrës gjatë orëve të para të mëngjesit kanë bllokuar rrugën e Arbrit. Më konkretisht bypass-i Qafë Murrizë është i pakalueshëm dhe Policia e Shtetit u ka bërë thirrje që drejtuesin e mjeteve të ndjekin aksin e vjetër rrugor, Klos-Burrel-Ulëz. Shkodra dhe Lezha vijojnë të jetë të përmbytura. Gjatë natës, sipërfaqja e tokës së mbuluar nga uji i ka kaluar 1000 ha. Durrësi, Elbasani, Vlora e Fieri kanë probleme në rrugët kryesore të qytetit pasi janë mbushur me ujë. Tirana po ashtu. Fshatrat janë pa energji elektrike.

permbytet shqiperia 2023

Sondazh

Poll

MË SHUMË