Sport

Me Gallardon si trajner, Cristiano Ronaldo po stërvitet për ndeshjen kundër PSG

Seleksioni i Al Nassr dhe Al Hilal po përgatitet për miqësoren e së enjtes kundër kampionëve të Parisit, ku janë Messi, Neymar dhe Mbappe

18 Janar 2023, 21:29 Nga DOSJA

Me Gallardon si trajner, Cristiano Ronaldo po stërvitet për ndeshjen

ARABIA SAUDITE - Që nga e marta, Cristiano Ronaldo mori pjesë në një seancë përgatitore për ndeshjen miqësore mes seleksionit të përbërë nga lojtarë të Al Nassr dhe Al Hilal kundër Paris Saint-Germain. Pika kryesore ishte takimi mes sulmuesit portugez dhe argjentinasit Marcelo Gallardo, ish-trajneri i River Plate, që do të drejtojë seleksionin në ndeshjen e planifikuar për këtë të enjte, në Riad të Arabisë Saudite.

Miqësorja do të shënojë edhe ndeshjen e parë të Cristiano Ronaldos që nga ardhja e tij në futbollin saudit. Portugezi do të jetë edhe kapiten i kombinimit të Al Nassr dhe Al Hilal. CR7 mori shiritin dhe fanellën e kapitenit nga duart e Turki Al-Sheikh, këshilltar i gjykatës Mbretërore Saudite dhe pronar i Almerías, në Spanjë. Imazhet e stërvitjes së kësaj të marte ai i ka shpërndarë në rrjetet sociale.

Ndeshja miqësore fillimisht ishte menduar të zhvillohej në janar të vitit të kaluar, por u shty për shkak të pandemisë Covid-19. Përplasja, e quajtur Kupa e Sezonit të Riadit, është një detyrim kontraktual për skuadrat e përfshira.

Debutimi i Cristiano Ronaldos me fanellën e Al Nassr është planifikuar për më 22 janar, kur skuadra nga Riadi do të përballet me Al Ettifaq, në Ligën Saudite. Pavarësisht se kishte nënshkruar një kontratë në fund të vitit të kaluar, CR7 mori pak kohë për t'u regjistruar për shkak se klubi kishte tejkaluar kufirin e të huajve në skuadër dhe gjithashtu portugezi duhej të kryente dy ndeshje pezullimi.

B.T (Dosja.al)

Sondazh

Poll

MË SHUMË