Sport

Gianluca Ferrero zgjidhet president i Juves. Bordi i ri: me 5 drejtorë për tre vjet...

Bordin e ri drejtues, i cili do të drejtohet nga Ferrero, 60 vjeç dhe do të ketë si drejtor ekzekutiv Maurizio Scanavino.

18 Janar 2023, 18:20 Nga DOSJA
Gianluca Ferrero zgjidhet president i Juves. Bordi i ri: me 5 drejtorë

ITALI - Ashtu sikundër pritej, Gianluca Ferrero, u zgjodh zyrtarisht president i Juventusit këtë të mërkurë, pas dorëheqjes së Andrea Agnelli në nëntor 2022, në një kohë kur klubi i Serisë A po hetohet nga drejtësia transalpine.

Ferrero, menaxher dhe administrator i disa kompanive, ishte kandidati për presidencën e Juventusit i emëruar nga Exor, 'holding' i familjes Agnelli, pas dorëheqjes së Andrea Agnelli, i cili drejtonte klubin torinez që nga viti 2010, si dhe zv.presidenti Pavel Nedved dhe anëtarët e tjerë të Bordit të Drejtorëve.

Të mbledhur sot në një mbledhje të përgjithshme, aksionerët e rekordmenit të titujve të Serisë A, me 36 trofe të fituar, zgjodhën Bordin e ri Drejtues, i cili do të drejtohet nga Ferrero, 60 vjeç dhe do të ketë si drejtor Maurizio Scanavino.

Ferrero merr përsipër fatet e Juventusit në një kohë kur klubit mund t'i duhet të përballet me drejtësinë italiane për mashtrim të dyshuar tatimor, paraqet një situatë shqetësuese financiare dhe pasi ekipi i futbollit nuk fitoi asnjë titull sezonin e kaluar, për herë të parë në 11 vjet.

B.T (Dosja.al)

Sondazh

Poll

MË SHUMË