TIRANË- Partia Demokratike akuzon kryeministrin Edi Rama se po mashtron me të dhënat statistikore për uljen e nivelit të papunësisë në vend.
Ines Nurja, ish-drejtoresha e INSTAT, u shpreh nga selia e PD-së se rënia e papunësisë me 11.5% në tre muajt e dytë të këtij viti është gënjeshtër e radhës e kryeministrit.
“Ulja e papunësisë në nivelet e vendeve më të zhvilluara të Bashkimit Europian rrëzohet edhe nga të dhënat e vetë INSTAT-it apo të institucioneve të tjera të specializuara, të cilat pohojnë se çdo tregues i rëndësishëm i ekonomisë është në rënie”, u shpreh Nurja.
Një ditë më parë, INSTAT publikoi shifrat, ku sipas tyre niveli i papunësisë është ulur me 11.5, në tremujorin e dytë të vitit.
DEKLARATË E PARTISË DEMOKRATIKE, INES NURJA:
Me Edi Ramën në krye të qeverisë ka dy realitete. Nga njëra anë është realiteti i shumicës së shqiptarëve, që mendojnë se ekonomia e tyre po përkeqësohet, e vendit më të varfër në Europë me rreth 300 mijë shqiptarë që largohen nga vendi se nuk gjejnë punë dhe siguri. Nga ana tjetër, është realiteti i Edi Ramës, i cili na thotë se në tremujorin e dytë të këtij viti papunësia ka kapur nivelin më të ulët historik, 11.5 përqind.
Realiteti i Edi Ramës na nxjerr vendin me papunësinë më të ulët në Ballkan, jo vetëm duke ia kaluar vendeve si Turqia, Spanja dhe Greqia, por duke na barazuar pothuajse me vendet e G7-ës, që janë vendet më të industrializuara në botë.
Realiteti i punësimit për Edi Ramën është njësoj si ai i zgjedhjeve që organizon, një realitet mashtrimi, ku kapet duke vjedhur dhe manipuluar.
Edi Rama pretendon se në 3 muajt e dytë të këtij viti janë punësuar mbi 21 mijë persona në shërbime dhe bujqësi, por askush nuk ka parë dhe përjetuar ndonjë boom ekonomik në bujqësi. Çmimi i naftës me të cilën fermerët punojnë vazhdon të jetë i shtrenjtë, subvencionet për fermerët vazhdojnë të mungojnë e të vidhen, investimet e qeverisë janë zero, investimet e huaja janë zero. Asnjë tregues domethënës nuk justifikon realitetin e manipuluar të Edi Ramës me papunësinë.
Ulja e papunësisë në nivelet e vendeve më të zhvilluara të Bashkimit Europian rrëzohet edhe nga të dhënat e vetë INSTAT-it apo të institucioneve të tjera të specializuara, të cilat pohojnë se çdo tregues i rëndësishëm i ekonomisë është në rënie.
Së pari, është anketa e publikuar nga Banka e Shqipërisë në lidhje me treguesin e besimit tek bizneset dhe konsumatorëve. Treguesi i ndjesise ekonomike ra me 0.7 pikë përqindje dhe ai i besimit të konsumatorit ra me 2.2.
Së dyti, sipas një publikimi tjetër nga Banka e Shqipërisë për tremujorin e dytë, që pohon se investimet e huaja direkte patën rënie me 13.2 %.
Së treti, treguesit e inflacionit, që kanë direkt lidhje me fuqinë blerëse të qytetarëve, janë në rënie. Në tremujorin e rritjes fallco të punësimit inflacioni ishte 1.3 deri ne 1.5, që tregon se fuqia blerëse e njerëzve ka rënë dhe shkaku kryesor për këtë është papunësia.
Së katërti, numri i bizneseve të falimentuar në këtë 3 mujor të artë sipas Edi Ramës, është rritur ndjeshëm. Në muajt Prrill, Maj, Qershor më shumë se 2 mijë biznese mbyllën aktivitetin e tyre.
Vetëm në realitetin mashtrues të Edi Ramës ndodh që të deklarohet punësimi i një numri rekord njerezish, kur rekordi i vërtetë është falimentimi i bizneseve, braktisja e ekonomisë nga investitoret e huaj, rënia e fuqisë blerese të qytetarëve.
Ky realitet duhet ndryshuar sa më parë dhe mënyrë e vetme për ta ndryshuar atë janë zgjedhjet e lira e të ndershme! Vetëm një qeveri e dalë nga vullneti i lirë i qytetarëve do të bëjë të mundur që ajo të punojë në interesin e tyre, duke hapur vendin për investimet e huaja, duke siguruar konkuremcë të ndershme, duke hapur vende të vërteta pune! Alternativa më e mirë për vendin është Partia Demokratike dhe programi i saj i zhvillimit me platformën antioligarki dhe platformën antimafia!
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Prrenjas- Kallëzohet penalisht ish-kryetarja e bashkisë së Prrenjasit, Miranda Rira. Nuri Belba, kryetari aktual, ka kallëzuar Rirën për “shpërdorim detyre”për...
BERLIN– Kryeministri Edi Rama ka takuar ditën e sotme kancelaren gjermane, Angela Merkel për të lobuar lidhur me çështjen e negociatave. Ishte kryeminist...
BERLIN- Kancelarja gjermane, Angela Merkel ka postuar në rrjetet sociale foton nga takimi i zhvilluar me kryeministrin shqiptar, Edi Rama. Siç shihet, Ra...
TIRANË– Ish-deputetja e Partisë Demokratike, Jorida Tabaku ka deklaruar se vendimi i djeshëm i Kuvendit, (për PPP-të e rrugëve) është vrasje me borxh përje...
TIRANE- Ambasadori i Bashkimit Europian, Luigi Soreca iu ka bërë thirrje për të disatën herë partive politike që të ulen në dialog dhe t’ja nisin nga Reforma Zg...
TIRANË– Ditën e sotme është mbledhur Komisioni për Vettingun në Polici, ku u raportua lidhur me vijimsinë e procesit.Gjatë mbledhjes, deputetja Elona Gjebr...
TIRANE- Ambasadori i BE, Luigi Soreca ka folur për gazetarët lidhur me hapjen e negociatave të Shqipërisë me BE. I pyetur për skepticizimin e vendeve anëtare pë...
Tiranë- Për çështjen e hapjes së negociatave media gjermane “LZ online” shkruan se Bundestagu gjerman ka rënë parimisht dakord për hapjen e negociatave p...
ÇEKI- Ministria e Punëve të Jashtme të Çekisë me në krye Tomáš Petříček ka reaguar zyrtarisht lidhur me deklaratën e presidentit çek Millos...
TIRANË- Ambasadori i Bashkimit Evropian në Tiranë, Luigi Soreca, lëshon mesazhe të qarta për Reformën në Drejtësi, hapjen e negociatave dhe zgjidhjen e kri...