Politike

Ligji që ndalon importin e makinave të vjetra, Balluku: Shtyhet afati i hyrjes në fuqi

27 Shkurt 2019, 14:14 Nga DOSJA
Ligji që ndalon importin e makinave të vjetra, Balluku: Shtyhet afati

Ministrja Balluku ka njoftuar ditën e sotme shtyrjen e hyrjes në fuqi të ligjit që ndalonte inportin e makinave të përdorura. Sipas ministres së Infrastrukturës dhe Energjisë, Belinda Balluku afati për hyrjen në fuqi të këtij ligji është shtyrë nga 28 shkurt më 31 dhjetor 2019.

Deklarata e plotë e Ballukut

Jam këtu përpara jush sot për t’ju komunikuar disa ndryshime të bëra gjatë mbledhjes së Qeverisë në Vendimin e Këshillit të Ministrave Nr. 633, datë 26.10.2018 “Për masat kundër ndotjes së ajrit nga shkarkimet e mjeteve motorike dhe reduktimin e shkarkimeve në ajër të ndotësve të gaztë dhe të lëndës së ngurtë pezull nga motorët me ndezje pozitive dhe ata me ndezje me kompresion që djegin gaz natyror apo të lëngshëm për përdorim në automjete”.

Kërkesat për këto ndryshime kanë ardhur fillimisht nga qytetarët përmes platformës së bashkëqeverisjes shqiperiaqeduam.al. Ndërkohë, Ministria e Infrastrukturës dhe Energjisë organizoi një dëgjesë publike, me përfaqësues të grupeve të interesit.

Ekspertët e Ministrisë së Infrastrukturës dhe Energjisë kanë shqyrtuar me kujdes të gjitha pretendimet e grupeve të interesit, duke vlerësuar dhe interesin primar për mbrojtjen e mjedisit nga shkarkimet e gazrave në ajër.

Po ashtu janë konsultuar praktikat më të mira europiane, që janë aktualisht në fuqi, për të bërë të mundur gjetjen e një zgjidhjeje sa më optimale, e cila nga njëra anë do të siguronte kushtet e duhura për mbrojtjen e mjedisit dhe nga ana tjetër nuk do të cenonte aktivitetin ekonomik në këtë fushë.

Ndryshimet e miratuara sot në mbledhjen e Qeverisë në VKM 633 konsistojnë në:

Me ndryshimin e bërë sot parashikohet që do të lejohet zhdoganimi i të gjitha mjeteve që kanë hyrë në territorin e Shqipërisë deri në datë 31 dhjetor 2018.

Automjetet e përdorura që do të futen në territorin e Republikës së Shqipërisë duhet të përmbushin kushtet teknike Euro 4, ndërkohë që automjetet me kilometrazh 0 duhet të përmbushin kushtet Euro 5 dhe Euro 6.

Ministria e Infrastrukturës dhe Energjisë vlerëson punën konsistente dhe serioze që ka bërë Ministria e Turizmit dhe Mjedisit si dhe bashkëpunimin shumë të mirë që kemi pasur në trajtimin e të gjithë problematikave që kërkojë bashkërendim institucional.

Faleminderit!

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike belinda balluku ligji per importin e makinave te perdorura makinat e perdorura ministrja e infrastrukturës dhe energjisë belinda balluku ligji per importin e makinave te perdorura makinat e perdorura ministrja e infrastrukturës dhe energjisë

Sondazh

Poll

MË SHUMË