Bota

Qëndruan krah Ukrainës gjatë agresionit rus, Moska sanksionon 36 britanikë

Ende nuk është publikuar një listë me emrat e atyre që i nënshtrohen sanksioneve.

12 Janar 2023, 11:41 Nga a.l
Qëndruan krah Ukrainës gjatë agresionit rus, Moska sanksionon 36
Rusia

UKRAINË- Rusia duket se po merr masa ndaj aleatëve dhe mbështetësve të Ukrainës në luftën kundër saj, duke i ndëshkuar. Mediat e huaja raportojnë se Ministria e Jashtme ruse ka vendosur sanksione kundër 36 shtetasve britanikë, duke përfshirë anëtarë të qeverisë së Mbretërisë së Bashkuar, anëtarë të agjencive të sigurisë dhe të zbatimit të ligjit dhe gazetarë. 

'Masa lidhet me kursin anti-rus të qeverisë britanike, e cila vazhdon të zbatojë në mënyrë aktive mekanizmin e sanksioneve personale dhe zhvillon një fushatë intensive propagandistike për të diskredituar vendin tonë dhe për ta izoluar atë në arenën ndërkombëtare', ka deklaruar Ministria  e jashtme ruse.

Ende nuk është publikuar një listë me emrat e atyre që i nënshtrohen sanksioneve. Që nga fillimi i pushtimit rus në shkallë të plotë të Ukrainës, Moska ka shpallur sanksione kundër qindra qytetarëve britanikë në përgjigje të qëndrimit të Londrës ndaj luftës./ Dosja.al

lufta ne ukraine

Sondazh

Poll

MË SHUMË