Sport

HAKMARRJE? PSG në 'hall', vendos të mos e nderojë kampionin e Botës, Leo Messin…

Klubi nuk dëshiron të krijojë një konflikt interesi, që kur argjentinasi fitoi Kupën e Botës kundër Francës dhe mendon se nuk është e nevojshme t'i bëhet një pritje solemne për të acaruar tifozët.

11 Janar 2023, 11:54 Nga DOSJA
HAKMARRJE? PSG në 'hall', vendos të mos e nderojë

FRANCE - PSG zgjedh maturinë dhe heq dorë nga çdo përgatitje për të mirëpritur  Messin pas fitimit të Kupës së Botës. Informacioni i përcjellë nga ‘Le Parisien’, sqaron se klubi parizien e kupton se futbollisti tashmë është pritur me të gjitha nderimet nga bashkëlojtarët e tij në ‘Camp des Loges’ dhe se asgjë më shumë nuk duhet bërë përpara ndeshjes së sotme kundër Angers, në të cilën Leo synon të luajë si titullar.

PSG u përballë me një konflikt interesi pa dyshim të pakëndshëm. Nga njëra anë, ai do të kishte dashur t’i bënte homazhe Messit, të cilin do t’i rinovojë kontratën, por nga ana tjetër, ai dyshon se do të kishte tifozë që mund të mërziteshin nga një festë me stil, duke marrë parasysh që ajo që humbi finalen e Kupës së Botës ishte Franca, e drejtuar nga Mbappe. Përballë kësaj situate, subjekti preferon të jetë i matur dhe që tribunat ta presin ashtu siç e meriton.

Messi nuk është mërzitur kur ka mësuar lajmin. Ai e kupton se situata është komplekse dhe se plaga nuk është shëruar ende për shumë francezë. Në këtë kuptim, nuk ka pasur ndonjë grimasë apo gjest të keq nga ana e lojtarit. Kur folësi i PSG-së, Michel Montana do të shqiptojë emrin e tij, pritet një ovacion i vazhdueshëm. Leo nuk ka nevojë për më shumë. Ai është i lumtur për fitimin e Kupës së Botës dhe tani ai dëshiron të shijojë pjesën e dytë të sezonit me klubin e tij.

B.T (Dosja.al)

 

Sondazh

Poll

MË SHUMË