Bota

Sulm kibernetik ndaj shkencëtarëve për çështjet bërthamore në SHBA! Inteligjenca amerikane: Është rus

6 Janar 2023, 21:19 Nga k.m.

Foto ilustruese

LONDËR- Një ekip rus hakerash i njohur si "Cold River" shënjestroi tre laboratorë kërkimore bërthamore në Shtetet e Bashkuara verën e kaluar, sipas të dhënave të sigurara nga Reuters dhe pesë ekspertë të sigurisë kibernetike. Midis gushtit dhe shtatorit, ndërsa Presidenti Vladimir Putin tregoi se Rusia do të ishte e gatshme të përdorte armë bërthamore për të mbrojtur territorin e saj, Cold River shënjestroi Laboratorët Kombëtarë Brookhaven (BNL), Argonne (ANL) dhe Lawrence Livermore (LLNL). Reuters nuk ishte në gjendje të përcaktonte pse laboratorët ishin në shënjestër ose nëse ndonjë përpjekje për ndërhyrje ishte e suksesshme, deri tani asnjë nuk pranoi të komentonte.

"Cold River" ka përshkallëzuar fushatën e saj të hakerëve kundër aleatëve të Kievit që nga pushtimi i Ukrainës, sipas studiuesve të sigurisë kibernetike dhe zyrtarëve të qeverisë perëndimore. Reuters gjurmoi llogaritë e postës elektronike të përdorura në operacionet e saj të hakerimit midis 2015 dhe 2020 tek një punonjës i IT në qytetin rus të Syktyvkar.

"Ky është një nga grupet më të rëndësishme të hakerëve për të cilët nuk keni dëgjuar kurrë,"- tha Adam Meyers, nënkryetar i lartë i inteligjencës në firmën amerikane të sigurisë kibernetike CrowdStrike.

"Ata janë të përfshirë në mbështetjen e drejtpërdrejtë të operacioneve të informacionit të Kremlinit."

Shërbimi Federal i Sigurisë i Rusisë (FSB), agjencia e sigurisë vendase që gjithashtu kryen fushata spiunazhi për Moskën dhe ambasada ruse në Uashington nuk iu përgjigjën kërkesave të dërguara me email për koment. Zyrtarët perëndimorë thonë se qeveria ruse është një lider global në hakerat dhe përdor spiunazhin kibernetik për të spiunuar qeveritë dhe industritë e huaja për të kërkuar një avantazh konkurrues. Megjithatë, Moska e ka mohuar vazhdimisht se ka gisht në këto operacione hakerimi.

Ambasada e Rusisë në Uashington nuk ktheu një kërkesë për të kërkuar komente në lidhje me tentativën e hakimit.

Cold River ka përdorur taktika të tilla si mashtrimi i njerëzve për të futur emrat e përdoruesve dhe fjalëkalimet e tyre në faqet e internetit të rreme për të fituar akses në sistemet e tyre kompjuterike. Për ta bërë këtë, Cold River ka përdorur një sërë llogarish emaili për të regjistruar emra domenesh si "goo-link.online" dhe "online365-office.com", të cilat duken të ngjashme me një shikim e duken të ngjashme me shërbimet legjitime të operuara nga firma si Google dhe Microsoft.

cold river rusi