Sport

Ylli holandez Marc Overmars në spital, ka pësuar një goditje të lehtë në tru…

Ish-lojtari 49-vjeçar punonte si drejtor i çështjeve të futbollit në Antwerp (Belgjikë)

30 Dhjetor 2022, 18:50 Nga DOSJA

Ylli holandez Marc Overmars në spital, ka pësuar një goditje

BELGJIKE - Drejtori sportiv i Antwerp, Marc Overmars, një ish-lojtar i Arsenalit, Barcelonës dhe Holandës, u shtrua në spital natën nga e enjtja në të premte, pasi pësoi një "infarkt të lehtë", njoftoi klubi.

"Marc Overmars, drejtori sportiv te Antwerp, u sëmur mbrëmë dhe u shtrua në spital me një goditje të lehtë në tru. Marc është duke ecur mirë ndërkohë, por ai do të duhet të pushojë për një kohë,"- tha klubi në njoftimin e tij në Twitter.

Overmars, 49 vjeç, disa javë pasi la postin e drejtorit sportiv te Ajax, filloi të punojë për Antwerp që nga marsi i kaluar.

Si lojtar, anësori holandez luajti në fillim dhe në fund të karrierës së tij për modestët e Go Ahead Eagles në vendin e tij (1990-1991 dhe 2008-2009), ndërkohë që ka luajtur edhe për Willem II (1991-1992), Ajax (1992-1997), Arsenal (1997-2000) dhe Barcelona (2000-2004), përveç se luajti 86 ndeshje me kombëtaren holandeze.

B.T (Dosja.al)

Sondazh

Poll