Sport

Xavi Hernández - Diego Martínez, shumë të qeshura dhe batuta para derbit katalanas…

Të dy trajnerët 42-vjeçarë që do të drejtojnë Barçën dhe Espanyolin këtë të shtunë (14:00) në derbin e Camp Nou.

30 Dhjetor 2022, 17:48 Nga DOSJA
Xavi Hernández - Diego Martínez, shumë të qeshura dhe

SPANJE - Kontakti i parë në stolat e Xavi Hernándezit dhe Diego Martínezit, dy trajnerë 42-vjeçarë që do të drejtojnë Barçën dhe Espanyolin, këtë të shtunë (14:00), në derbin e ‘Camp Nou’. Pas konferencave përkatëse për shtyp, në komplekset sportive të klubeve të tyre, dy trajnerët shkuan në ‘Camp Nou’ për foton tradicionale.

Xavi dhe Diego, të cilët lavdëruan njëri-tjetrin para ndeshjes, hynë në fushë mes të qeshurash dhe batutash, duke treguar sportivitetin dhe atmosferën e tyre të mirë. Më pas secili mbajti fanellën e ekipit të tij për kamerat.

Ishte një takim i shkurtër, në të cilin ishte e qartë harmonia e mirë mes dy trajnerëve. Të shtunën në mesditë, kur të fillojë derbi, do të fillojë edhe momenti i tensionit konkurrues.

B.T (Dosja.al)

Sondazh

Poll