Politike

“Bëre lekë”/ Rama ‘vë në sedër’ arkitektin e Teatrit të ri: Ka shifra të frikshme, por bëmë pazar, do dalësh para Shën Pjetrit dhe do japësh llogari

Rama tha se arkitekti është një nga më të mirët në vend dhe nga më të shtrenjtit, por që ka arritur të bëjë Pazar të mirë me të.

21 Dhjetor 2022, 12:24 Nga F.M
“Bëre lekë”/ Rama ‘vë në sedër’
Edi Rama

TIRANË- Kryeministri Edi Rama ka shkëmbyer dhe batuta me arkitektin Bjarken Ingels, i cili ka bërë projektin për Teatrin e ri Kombëtar. Gjatë ceremonisë së përurimit të punimeve, Rama tha se arkitekti është një nga më të mirët në vend dhe nga më të shtrenjtit, por që ka arritur të bëjë Pazar të mirë me të. Ai ‘vuri në sedër’, arkitektin kur tha se do të dalë para Shën Pjetrit e do të pyetet se çfarë ka bërë në këmbim të fitimeve të mëdha që ka marrë.

“Me thënë të drejtën, është një nga arkitektët më të famshëm, më të admiruar është edhe një nga më të shtrenjtit. I jemi falënderues sepse e ka kuptuar sepse nuk ishte këtu vendi për të vendosur ato tarifa të frikshme që ka studioja e tij. Mund të them që kemi bërë një pazar të mirë në këtë rast dhe i kam thëne Bjarkes, bëje këtë gjë për Shqipërinë dhe shqiptarët, që ta kesh. Ta kesh si argument se do të dalësh para, kur të shkosh tek Shën Pjetri do të të thotë, ‘mirë mor djalë fitove gjithë ato lekë, por ndonjë gjë të mirë për njerëzit bëre, apo punove për kapitalistët dhe të pasurit?’ Do t’i thuash ‘shiko se kam bërë një Teatër atje në Tiranë’. Do shtosh, ‘u ku kam bërë dhe skonto’.

teatri i ri kombetar edi rama bjarken ingels

Sondazh

Poll

MË SHUMË