Politike

Protesta e 12 nëntorit, Berisha: Zeniti për pjesëmarrjen, mesazh i shqiptarëve për kancelaritë evropiane

Deklarata vjen dy ditë pas protestës kombëtare që opozita PD-PL zhvilloi në Tiranë.

14 Nëntor 2022, 12:11 Nga f.g
Protesta e 12 nëntorit, Berisha: Zeniti për pjesëmarrjen, mesazh
Sali Berisha

TIRANE- Kryedemokrati Sali Berisha deklaroi sot se protesta e 12 nëntorit arriti qëllimin duke tronditur themelet e qeverisë. Berisha tha se pjesëmarrja masive në protestë në raport me popullsinë ishte "zeniti". Berisha tha se kancelaritë ndërkombëtarë e morën mesazhin e protestës së një populli që ishte ngritur në këmbë. 

"Protesta e 12 nëntorit ishte në Zenitin  e protestave krahasuar me numrin  e popullatës e protestave në botë. Ajo dridhi themelet e një monizmi që bazohet në vjedhjen  e votës, fondeve publike, të pasurive publike  nga Edi Rama. Bazohet në frikën shantazhin drogën dhe krimin. ishte masazhi më i shkëlqyer që qytetarët u dërguan shqiptarëve kudo që janë. Ata u dërguan atyre mesazhin e shpresës të besimit e fitores. Por njëkohësisht, protestuesit u dërguan kancelarive të Europës dhe botës, se krahas një narkoshteti të instaluar në Shqipëri, krahas një monizmi që bazohet në vjedhjen e votës nëpërmjet krimit, drogës dhe mashtrimit, ekziston një popull i tërë i ngritur në këmbë, për ta hedhur në Lanë, për të përmbytur këtë regjim."-tha Berisha.

Deklarata vjen dy ditë pas protestës kombëtare që opozita PD-PL zhvilloi në Tiranë. Për 3 orë, mijëra qytetarë kërkuan rrëzimin e qeverisë dhe ndërhyrjen emergjente në ekonomi. Protesta u mbyll me zotimin për tu riorganizuar sërish dhe për të kërkuar dorëheqjen e qeverisë./Dosja.al

sali berisha protesta e opozites 12 nentor 2022

Sondazh

Poll

MË SHUMË