Politike

Zv.kryeministri i RMV, Grubi: Gjuha shqipe, zyrtare. Flitet edhe në qeveri, s'është më tabu kryeparlamentari shqiptar

Grubi tha se është ecur përpara me gjuhën dhe simbolet kombëtare

14 Nëntor 2022, 11:05 Nga f.g
Zv.kryeministri i RMV, Grubi: Gjuha shqipe, zyrtare. Flitet edhe në qeveri,
Artan Grubi

TIRANE- Zv.kryeministri i Maqedonisë së Veriut, Artan Grubi tha sot në takimin e përbashkët mes dy qeverive, Shqipëri-Republika e Maqedonisë së Veriut, se sot gjuha shqipe është zyrtare në Manastir. Grubi tha se është ecur përpara me gjuhën dhe simbolet kombëtare ku theksoi se është thyer tabuja që kryetari i Kuvendit të jetë shqiptar.  

“114 vjet më parë më 14 nëntor në Manastir do mblidheshin delegatë nga të gjitha anët për të organizuar Kongresin e Manastirit dhe unifikuar gjuhën shqipe. Më 22 nëntor përfunduam punimet e Kongresit të Manastirit që është një nga më të arriturat e Kombit shqiptar duke përfshirë edhe Lidhjen e Prizrenit dhe shpalljen  e  pavarësisë.  Gjuha e unifikuar më 1908 në Manastir sot është gjuhë zyrtare. Në aspektin e të drejtave, Gjuha shqipe është zyrtare flitet në qeveri, presidencë edhe në Kuvend, flamuri kombëtar është zyrtar, kemi tre universitete shqiptare në Maqedoni në të gjitha nivelet e arsimimit. Përfaqësimi i të drejtave ka arritur deri në 21 %. Nuk është më tabu që Kryetari i Kuvendit të jetë shqiptar”, tha ai./Dosja.al

mbledhja e qeverive shqiperi-rmv artan grubi

Sondazh

Poll

MË SHUMË