Politike

Protesta e opozitës/ Qindra qytetarë priten të nisen nga Fieri, Berati, Kukësi, Poliçani e Skrapari! Baçi: Nuk ndalemi

Raportohet se me qindra qytetarë do të mbërrijnë në kryeqytet nga Korça, Fieri, Kukësi, Berati, Skrapari dhe Poliçani. Kështu pritet që nga Berati të nisen drejt Tiranës rreth 1400 qytetarë, Kuçova 350, Skrapari 120, Poliçani 220. Nisja do të bëhet rreth orës 12:30-13:00.

12 Nëntor 2022, 11:47 Nga e.k.
Protesta e opozitës/ Qindra qytetarë priten të nisen nga Fieri,
Foto ilustruese

TIRANË- Kur na ndajnë vetëm pak orë nga nisja e protestës së thirrur nga Partia Demokratike dhe opozita e bashkuar, e cila pritet të nisë në orën 16:00 ku qytetarët do të mblidhen para Kryeministrisë degët e PD në rrethe kanë nisur mobilizimin e njerëzve. 

Raportohet se me qindra qytetarë do të mbërrijnë në kryeqytet nga Korça, Fieri, Kukësi, Berati, Skrapari dhe Poliçani. Kështu pritet që nga Berati të nisen drejt Tiranës rreth 1400 qytetarë, Kuçova 350, Skrapari 120, Poliçani 220. Nisja do të bëhet rreth orës 12:30-13:00.

Ndërkohë duke folur nga Fieri deputeti i Partisë Demokratike Luan Baçi tha se kjo protestë do të jetë një nga më të mëdhatë që ka parë vendi. Ai paralajmëroi se kjo nuk do të jetë e vetmja pasi sipas tij aksioni opozitar nuk do të ndalet ditën e sotme.

"Pritet të jetë më e madhja, kjo është falë zemërimit popullor, mllefit që kanë për këtë qeveri dhe vërtetë sot do të shihni një protestë të fuqishme ku mbarë qytetarët do ti tregojnë kësaj mazhorance se janë minorancë , ti tregojnë Ramës se është i tepërt dhe do të jetë një fillim vale protestash të pandalshme deri në largimin e tij. Do të ketë protesta të njëpasnjëshme të formave dhe mënyrave të ndryshme. Primare dhe protesta ka PD deri në 14 maj. PL është nga partitë kryesore në opozitë dhe janë të bashkërenduara të gjitha partitë. Nuk ka lidhje për të mposhtur Alibeajn, ai është një deputet i PD, që si gjithë të tjerët duhet të marrë pjesë në protestë", tha Baçi.

Ditën e sotme, opozita do të mbajë protestën kombëtare të paralajmëruar prej disa ditësh. Kryetari i Partisë Demokratike, Sali Berisha ka bërë thirrje se protesta do të jetë paqësore. Protesta pritet që të zhvillohet përpara kryeministrisë, në orën 16:00 ndërsa nuk dihet saktësisht se për sa orë do të vazhdojë. Policia e shtetit ka marrë masa për bllokim aksesh rrugore. Nga ora 15:00 segmentet rrugore të lidhura me protestën, do të jenë të pakalueshme. Ambasada amerikane në Tiranë, u ka bërë thirrje qytetarëve që të shmangin grumbullimet dhe të qëndrojnë të përditësuar mbi zhvillimet më të fundit. Kryeministria është blinduar ndërsa Edi Rama ende nuk ka pasur një reagim mbi protestën.

protesta e opozites 12 nentor 2022

Sondazh

Poll

MË SHUMË