Politike

"Bllof mediatik", Kryemadhi i përgjigjet akuzave të Ramës: E ka antistres për problemet e tij, PL s'ka marrë para ruse!

Kryemadhi tha se PL nuk ka marrë asnjëherë financime ruse dhe nëse do të kishte një bazë akuza e tij, do të ishte hetuar.

10 Nëntor 2022, 10:22 Nga f.g
"Bllof mediatik", Kryemadhi i përgjigjet akuzave të
Monika Kryemadhi

TIRANE- Deputetja e Partisë së Lirisë, Monika Kryemadhi i është përgjigjur kryeministrit Edi Rama që tha dje në Parlament se edhe PL ka përfituar nga financimet ruse dhe ka marrë para bashkë me Partinë Demokratike. E pyetur sot nga gazetarët, Kryemadhi tha se PL nuk ka marrë asnjëherë financime ruse dhe nëse do të kishte një bazë akuza e tij, do të ishte hetuar. Kryemadhi e quajti "bllof mediatik". 

Pyetje: Kryeministri tha që dhe PL ka përfituar financime ruse, Meta deklaroi se nën drejtimin e tij ishte i sigurt që s’ka marrë asnjëherë. Nën drejtimin tuaj LSI ka përfituar fonde ruse?

Monika Kryemadhi: E keni kuptuar që Rama thërret ujku ujku e cakalli bën kërdinë këtej. PL s’ka marrë asnjëherë financime ruse e kanë qenë të qartë në linjën e tyre. Asnjë nga PL s’ka dalë në atë listën e pyetjve të një hetimi të madh që bëhet sot në Amerike për ish drejtorin e FBI që akuzohet për lidhjen e tij me Ramën për lidhjen e ngushtë që kanë të bëjnë me financimet ruse. SHBA kanë bërë një investigim e Rama ka bërë shumë për ta eleminuar këtë lloj investigimi e lajmi në media që të shkëpusë vëmendjen nga varfëria, largimi i të rinjve e për të shfokusuar vëmendjen e opinionit të rublat. Rama mos mendoni se do e linte një gjë të tillë do vinte nja 10 prokurorë të tjerë kundër PL për ta hetuar këtë cështjen e rublave por nuk ka, e ka si lloj antistresi për të justifikuar problemet e veta. Sa herë i shtrëngohet litari për inceneratorin e Tiranës nxjerr ndonjë bllof mediatik që i ka dalë boja e është bërë shumë “old fashion” në këtë drejtim”.

Çfarë tha Edi Rama dje? Teksa iu referua PL-së, Rama tha se "Partia e Lekut" ka marrë rubla ruse. Akuzës iu përgjigj kryetari Ilir Meta që mohoi akuzën dhe dha garanci se gjatë drejtimit të tij nuk ka asnjë përfshirje të ish-LSI në këtë çështje. /Dosja.al

edi rama financimi rus monika kryemadhi

Sondazh

Poll

MË SHUMË