Politike

Peleshi: Buxheti është dyfishuar, jemi të vetmit që s'e kemi prekur çmimin e energjisë elektrike

Peleshi u shpreh se Shqipëria është i vetmi vend që nuk e ka prekur çmimin e energjisë elektrike. 

10 Nëntor 2022, 09:26 Nga F.M
Peleshi: Buxheti është dyfishuar, jemi të vetmit që s'e
Ministri i Mbrojtjes Niko Peleshi

TIRANË- Ministri i Mbrojtjes Niko Peleshi është shprehur se Buxheti për vitin 2023 është dyfishuar. Në Foltoren e Kuvendit, Peleshi tha se po të mos kishin 3 miliardë dollarët shtesë nuk do të mund të përballonin pasojat e luftës. Peleshi u shpreh se Shqipëria është i vetmi vend që nuk e ka prekur çmimin e energjisë elektrike. 

Pjesë nga fjala e Niko Peleshit: 

Duket sikur vazhdon e njëjta retorikë. Nuk kemi dëgjuar asnjë alternativë, kemi dëgjuar të njëjtat gjëra. Dikush që e dëgjon thotë çfarë po bëhet me koncensionet e PPP-të, kur dëgjojnë shifrat tuaja. Në fakt nuk janë kaq të parregulluara sa thoni ju. Nuk e kemi thyer tavanin e vendosur dhe po rrezikojmë buxhetin. Ky është një buxhet i rezistencën ndaj një krize, i shkaktuar nga një luftë. Lufta në Ukrainë është shkaku i tronditjes ekonomike. Dy tregje që përplasen. Të gjithë e dinë që ky është shkaku i inflacionit. Ne nuk jemi ekpsortues i produketeve blegtorale, jemi importues, por kemi trashëguar një raport. Ju pyes? Si do të ishte ky buxhet sot nëse do të ishit ju në pushtet. Çdo shtet sot ka sfidën si të menaxhojë inflacionin, nga zgjedhjet e fundit në Amerikë, deri në çdo vend të botë. Kemi një shifër inflacioni që është 6.4 apo 6.5%. Nëse shikoni hartën, vendet Baltike e kanë me dy shifra, mbi 20%. Ne jemi në këtë nivel, por pagat e administratës i kemi rritur. Arsyeja kryesore është mburoja e çmimit të energjisë. Kjo nuk ndjehet për familjarët tanë dhe për biznesin e vogël, sepse çmimi kështu ka qenë dhe më parë. Këtë gjë e ka bërë Shqipëria e vogël. Kemi shtuar 3 miliardë dollarë në buxhet që po të mos ishin nuk do të përballonim dot kostot e luftës. Kam një lajm shumë të mirë për shtresën që përfaqësoj, për gjithë ushtarakët, rreth 7 mijë, që do të përfitojnë një rritje të re të pagës me këtë buxhet. Nga korriku ata marrin 30% më shumë pagë, në janar mbi këtë 30% shton edhe 7%. Pra është një rritje 40% e pagës, nëse merrte 500 mijë lekë në 2022, tani do marrë 700 mijë lekë, kjo është për pagën më të ulët, dhe vijon për të gjithë. Thamë që do i rrisim pagat cdo vit dhe po e mbajmë fjalën, dhe do t’i rrisim deri sa t’i kalojmë ato të rajonit

niko peleshi senace plenare 10 nentor 2022

Sondazh

Poll

MË SHUMË