Politike

Gjylameti-opozitës: Keni hall tjetër të brendshëm, kolegët po ju ikin në emigrim

Deputetja kërkoi mbështetjen e opozitës për të miratuar buxhetin e vitit 2023.

9 Nëntor 2022, 14:10 Nga A.B
Gjylameti-opozitës: Keni hall tjetër të brendshëm,
Blerina Gjylameti

TIRANË- Deputetja e Partisë Socialiste, Blerina Gjylameti deklaroi se buxheti i vitit të ardhshëm ka një rëndësi të madhe. Gjatë fjalës së saj në Kuvendin e Shqipërisë, deputetja kërkoi mbështetjen e opozitës për të miratuar këtë projektligj. Po ashtu, ajo shtoi se deputetët e opozitës kanë halle të tjera mes tyre, një prej të cilave është largimi i kolegëve të tyre nga vendi.

'Diskutimi i buxhetit të vitit të ardhshëm ka një rëndësi të madhe. Më shumë se kurdoherë është momenti për të treguar lidership të fortë dhe për të qëndruar pranë. Më vjen mirë që kjo qeveri ka përkrahjen e SHBA-së dhe për tu ulur në Këshillin e Sigurimit. Më 6 dhjetor do të mbahet i pari samit si një ngjarje e jashtëzakonshme që nuk ka ndodhur kurrë më parë.

Kemi patur në komisionin e ekonomisë debate pa fund, që janë konstruktive dhe jo. Kemi tentuar që të gjejmë dakordësi me kolegët e opozitës, se si të jemi bashkë për të gjithë ata që na kanë votuar. Përpara se të hedhim baltë, mendoj se është momenti për të folur për alternativa. Se si duhet të jetë më mirë. Kjo duhet të jetë lajmi që del nga kjo sallë, dëgjova kolegët që folën për rritjen e çmimeve, po si? Duke tentuar që të ulni shkallën e emigrimit pasi kolegët u kanë ikur në emigrim dhe keni një hall tjetër të brendshëm. 

Duhet të flasim se çfarë duhet për bizneset, meqë flisni për ata që ju kanë votuar. Ekonomia shqiptare është e bazuar në biznesin e vogël dhe ne atë të mesëm. Të thuash se cfarë po bëni? 

Ne përsëri ia dolëm që të kemi një rritje ekonomike. Po performohet shumë mirë, ata që nuk kuptojnë nga ekonomia e dinë se cfarë do të thotë të ulësh borxhin. 

Sot duhet që të anën tuaj të kishte një kahje, ka shumë kolegë në anën e djathtë që e kuptojnë, duhet që ta votojnë këtë projektligj.'- tha Gjylameti.

blerina gjylameti seance plenare 9 nentor 2022

Sondazh

Poll

MË SHUMË