Sport

Inzaghi dhe Interi humbasin sërish Lukakun: tendosje e muskujve në kofshën e majtë…

Ndalesa e re për sulmuesin belg, i cili sapo ishte rikthyer në radhët e zikaltërve: probleme dëmtimi në këmbën e majtë

31 Tetor 2022, 11:44 Nga DOSJA

Inzaghi dhe Interi humbasin sërish Lukakun: tendosje e muskujve në

ITALI - Nuk ka qetësi për Romelu Lukakun: sulmuesi belg sapo ishte kthyer nga dëmtimi i përkulësit të kofshës së majtë dhe përsëri detyrohet të ndalojë, po për probleme të së të njëjtës kofshë. Simone Inzaghi pra e humb atë për sfidën ndaj Bayern Munich dhe Juventus. Klubi zikaltër i Interit bën të ditur, se kushtet e Lukakut do të rivlerësohen pas disa ditësh: ekziston një mundësi që pjesa e parë e sezonit të ketë përfunduar tashmë për të.

Rikthimi te zikaltrit deri më tani ka qenë një zhgënjim për ‘Big Rom’: vetëm pesë ndeshje, katër në Serie A dhe një në Champions League, kundër Viktoria Plzen, ku ai kishte gjetur golin pas dy muajsh mungesë. Dhe të mendosh se fillimi i sezonit përkoi me një gol ndaj Leçes në ditën e parë, pas Lacios problemi shëndetësor e mbajti jashtë 60 ditë për 12 ndeshje të humbura në total.

Rikthimi në Champions League të mërkurën e kaluar, i kurorëzuar nga një goli në 4-0 u pasuan edhe nga 22 minuta të tjera të shtunën kundër Sampdorias. Inzaghi me siguri ka menduar se kishte gjetur referencën e tij sulmuese, të cilën do të kishte dashur t'i jepte më shumë minuta kundër Bayern Munich dhe më pas ta përdorte atë si titullar kundër Juventusit. Asgjë nga këto, gjithçka do t'i mbetet ende Lautaro Martinez, Dzeko dhe Correa, që të zvarritin sulmin e Interit, duke shpresuar që nga janari e në vazhdim Lukaku të gjejë përfundimisht shëndetin dhe formën e nevojshme për një pjesë të dytë të sezonit si protagonist.

E shqetësuar është edhe Belgjika, një ndalesë e tillë, në më pak se një muaj para Kupës së Botës nuk premton, pasi gjymtyra e prekur është e njëjtë me dëmtimin e gushtit. Në ditët në vijim do të dihet më shumë, madje është i interesuar edhe trajneri Martinez.

Inzaghi dhe Interi humbasin sërish Lukakun: tendosje e muskujve në

B.T (Dosja)

Sondazh

Poll

MË SHUMË