Politike

"Listë-pagesat e Kremlinit"/ Berisha: Dokrra! Të dalim në protestë kundër njeriut që mbush baulet fap e fap e fap

Referuar Vettingut të pasurisë së pedagogëve, Berisha 'sfidoi' kryeministrin Edi Rama, teksa i tha ta provonte.

20 Tetor 2022, 19:24 Nga F.M
"Listë-pagesat e Kremlinit"/ Berisha: Dokrra! Të dalim
Sali Berisha

TIRANË- Kryedemokrati Sali Berisha ka ftuar të gjithë qytetarët që të dalin në protestë. I pranishëm në Kuvend, Berisha u bëri thirrje qytetarëve, kryesisht profesioneve të lira, teksa tha se ata duhet të bashkohen në protesta të fuqishme. Referuar Vettingut të pasurisë së pedagogëve, Berisha 'sfidoi' kryeministrin Edi Rama, teksa i tha ta provonte. Aiu iu përgjigj edhe kreut të grupit parlamentar të Partisë Socialiste, Taulant Balla, i cili e akuzoi se ishte në listëpagesat e Kremlinit. Sipas Berishës, këto janë dokrra. 

Pjesë nga fjala e Berishës:

Në doktrinë diktaturat janë teologjike dhe e tillë është ajo Iraniane. Unë kam dënuar me forcën më të madhe në këtë platformë dhe kudo, agresionin e saj ndaj Shqipërisë. Por në doktrinë diktaturat janë edhe ato narkotike. Unë kam dënuar me forcën më të madhe ndërhyrjen e saj në sistemet dixhitale të Shqipërisë dhe shkatërrimin e tyre. Në doktrinë regjimet njëpartiake janë diktatura dhe unë kam denoncuar me forcën më të madhe vendosjen e regjimit parti-shtet, parti e cila është e zier në drogë dhe krim. Tani nuk mund të harxhoj kohë më shumë me dokrrat që shtrove këtu, por unë do të them dy gjëra. Nuk janë vetëm universitetet ato që janë në agoni. Biznesi i vogël është në agoni të vërtetë. Biznesi i mesëm është në arrati. Taksa që ju keni vendosur, 4-fishimi, 5-fishimi i energjisë. Taksa e re që keni parashikuar në 1 janar, 23% përbëjnë faktor shkatërrimtar për këtë biznes. Ndaj dhe e ftoj këtë biznes në një lëvizje të fuqishme kundër këtij regjimi dhe për përmbysjen e tij. Ftoj të gjitha profesionet e lira që njeriu i cili, firmos fap, fap, fap, e pam, pam, pam, mbush baulet me eurot e qytetarëve, kërkon ti largojë. Të bashkohemi në protestën e fuqishme e cila do ta bëjë të harrojë ato që ka thënë. E përmendi dje vettingun, sot u betua që nuk e kam thënë kurrë. Provoje po deshe vettingun. Të sfidojnë ata të sfidojmë dhe ne

sali berisha seancë plenare 22 tetor 2020

Sondazh

Poll

MË SHUMË