Politike

Zhupa me medalje ari në Kuvend: Hajde Kushi na trego mesataren tënde se televizionet të kanë nxjerrë plagjiaturën

Debati i sotëm vjen pas debatit të ndodhur dy ditë më parë në Komisionin e Edukimit dhe Mjeteve të Informimit ku ministrja, Evis Kushi pas një debati të fortë i përmendi deputetes demokrate mesataren.

20 Tetor 2022, 18:41 Nga e.k
Zhupa me medalje ari në Kuvend: Hajde Kushi na trego mesataren tënde
Ina Zhupa

TIRANË- Deputetja e Partisë Demokratike, Ina Zhupa gjatë fjalës së saj në Kuvend në përgjigje të ministres Evis Kushi e cila dy ditë më parë i përmendi mesatren nxorri dhe medaljen që ajo ka marrë si studente e ekselencës teksa akuzoi Kushin për plagjiaturë.

Zhupa e riktheu sërish vëmendjen në mbylljen e kolegjit turk "Mehmet Akif". Ajo tha se nuk janë ndjekur hapat ligjorë dhe se mbyllja është e padrejtë dhe anti-ligjore.

Ina Zhupa: I kam mbaruar të gjitha ciklet mësimore me medalje. Kthejeni përgjigje njerëzve me fakte. Të ngeli sharra në gozhdë. Hajde këtu moj Evis Kushi, se nuk ta kisha thënë kurrë, plagjiaturën që të ka nxjerrë Top Channel më emision, me të gjitha faktet. Por meqë ma the, hajde dhe na trego ti mesataren tënde tani. Hajde dhe na e thuaj. Se nuk ndodh gjëkundi që të zgjohesh një mëngjes e të shkosh tu heqësh licensat njerëzve, nuk mbyllet një institucion pa ndjekur të gjitha hapat. I pari është paralajëmrimi, e dyta gjoba dhe më pas të gjitha të tjerat. Kjo do të ishte të jesh në anën e të drejtës. Unë nuk desha t'i them emrat e të gjithë fëmijëve. 

Debati i sotëm vjen pas debatit të ndodhur dy ditë më parë në Komisionin e Edukimit dhe Mjeteve të Informimit ku ministrja, Evis Kushi pas një debati të fortë i përmendi deputetes demokrate mesataren. Pas debatit të ndodhur në Komision Zhupa vendosi të largohet nga mbledhja duke iu përgjigjur ministres në Facebook. Por duket se debati u zhvendos dhe në seancë plenare ku duket se Zhupa këtë herë kishte armë e përgatitur pasi kishte marrë dhe medaljet me vete.

seance plenare 20 tetor 2022

Sondazh

Poll

MË SHUMË