Sport

Manchester City është në rrugën për të qenë skuadra më e mirë, por këtë sezon…

Në galanë e “Topit të Artë” në Paris, skuadra e kaltër britanike u shpall më e mira e sezonit të kaluar, në një vlerësim të diskutueshëm me Real Madridin, që u rendit e treta.

19 Tetor 2022, 11:52 Nga DOSJA

Manchester City është në rrugën për të qenë

ANGLI - Mbrëmja gala e “Topit të Artë”, në të cilën triumfoi Karim Benzema dhe ku u shpërndanë çmimet për herë të parë në histori, për më të mirët e sezonit dhe jo të vitit kalendarik, la vend për polemika. Manchester City u shpall skuadra më e mirë e sezonit 2021-22. Real Madrid, Liverpool dhe Manchester City po luftonin për këtë çmim simbolik, me skuadrën ‘los blancos’ si favorite e madhe pasi kishte fituar Champions League dhe La Ligan në një vit për t'u mbajtur mend. Por ajo që askush nuk mund ta imagjinonte është se madrilènët jo vetëm që nuk fituan, por ishin të tretët në atë klasifikim, ku Manchester City u shpall fituese.

Sipas parashikimeve të Betfair, në të vërtetë, çmimi i “France Football” do të vepronte më shumë si një parashikim, sesa si njohje. Sepse për këtë sezon, City vazhdon të dominojë të gjitha rekordet deri tani. Që skuadra e Guardiolës të fitojë Premier Leaguen kuotohet me 1.30 për euro të bastit.

“Qytetarët” dominues në Angli…

Pavarësisht humbjes së ndeshjes së parë të sezonit me Liverpoolin, hendeku me liderët aktualë të Arsenalit është ende mjaft i madh për sa i përket besimit. Sipas parashikimeve të Betfair, ‘Topçinjtë’ kuotohen me 6 euro bast që fitojnë Premier Leaguen edhe pse kanë fituar 9 nga 10 ndeshjet e para të kampionatit. Synimi i madh i Mançester Sitit këtë sezon është fokusuar edhe një herë te Europa, ku ka nisur sërish si favorit i madh.

Pep Guardiola ishte sërish në krye të lajmeve pas ndeshjes mes Copenhagenit dhe Manchester Cityt në ditën e katërt të Champions League. Trajneri i skuadrës së 'Qytetarëve' është pyetur për detyrën e komplikuar për të fituar kompeticionin më të mirë në nivel klubesh. Ish-trajneri i Barcelonës përmendi ‘mbretin’ e Europës: “Champions League është shumë e vështirë të fitohet, sepse Real Madridi është gjithmonë aty”,-siguroi ai.

Manchester City është në rrugën për të qenë

Sipas parashikimeve të Betfair, City duke qenë kampion kuotohet me 2.88 për euro të bastit, ndërkohë që Madridi është shumë larg dhe po kuotohet me 13 euro se do të fitojë sërish Champions League, duke qenë i pesti pas City, Bayern, PSG dhe Liverpoolit.  Përtej shenjave, Guardiola arriti në 151 ndeshje në Champions League si trajner dhe barazoi në këtë tregues me atë që për shumë vite ishte armiku i tij i madh dhe rivali i drejtpërdrejtë për t'u konsideruar si trajneri më i mirë në planet: José Mourinho.

Të dhëna spektakolare të Guardiolës…

Në 151 ndeshjet e tij, Guardiola mund të mburret se ka arritur 96 fitore (63.58%), 29 barazime (19.21%) dhe 26 humbje (17.22%) midis periudhave të tij me Barcelonën, Bayern Munich dhe Manchester City. Interesant është fakti se ai ka fituar dy kupa Champions League me Barcelonën, por numrat më të mirë të Pep për sa i përket ndeshjeve të fituara, janë me skuadrën e tij aktuale, pasi ai ka një përqindje fitoresh prej 66.15%. Sigurisht, me skuadrën e Barcelonës ishte ai me të cilin humbi më së paku (10%), duke shtuar vetëm 5 humbje në 50 ndeshje.

Manchester City është në rrugën për të qenë

Në ato duele të Championsit, skuadrat e Guardiolës kanë shënuan gjithsej 358 gola (2.37), ndërsa pësuan 149 (0.99). Vetëm në 19 ndeshje nuk ka parë gol (12.58%), ndërsa në 59 duele ka arritur të mbajë në zero golin e tij (39.07%). Disa shifra që nëse nuk arrin të fitojë Champions League me Cityn, nuk do të jenë aq të shkëlqyera për shumë analistë.

B.T (Dosja.al)

Sondazh

Poll

MË SHUMË