Sport

Trajneri De Zerbi nuk mjafton, Brighton është ende pa fitore që nga ardhja e tij...

Po për javën e 10-të të Premier League, Crystal Palace fitoi mbrëmë në shtëpi 2-1 ndaj Wolves

19 Tetor 2022, 07:02 Nga DOSJA

Trajneri De Zerbi nuk mjafton, Brighton është ende pa fitore që

ANGLI - Brighton është ende pa fitore që nga ardhja e italianit Roberto de Zerbi në stol, pasi nuk ka mundur të shkojë këtë të martë më tepër se barazimi (0-0) në shtëpi ndaj skuadrës së fundit, Nottingham Forest, në një ndeshje në të cilën vendasit e patën të vështirë të gjenin rrugën e fitores.

Nuk ishte për mungesë rastesh, pasi Brighton bëri deri në tetëmbëdhjetë gjuajtje, por ndonjëherë, si në një goditje të belgut Leandro Trossard në minutën e 31-të topi u përplas në traversë, dhe herë të tjera portieri mysafir Dean Henderson, pengoi “pulëbardhat” të arrinin fitoren e dëshiruar.

Në fakt, Henderson u bë “heroi” i Nottingham Forest, pasi zgjidhi një goditje të gjermanit Pascal Gross me një pritje spektakolare, nëntë minuta para përfundimit që dukej e destinuar për golin. Mungesa e golit që e dënoi Brighton në barazim (0-0), i pamjaftueshëm për t'u vendosur në pozitat europiane, nga të cilat ndanë vetëm një pikë.

Për javën e 10-të të Premier League, Crystal Palace fitoi mbrëmë në shtëpi 2-1 ndaj Wolves, të cilët nuk mundën ta ruanin epërsinë e krijuar nga Traore (31’), pasi vendësit përmbysën gjithçka në pjesën e dytë. Eze (46’) dhe Zaha (70’) fiksuan fitoren e Crystal Palace, që me 13 pikë pozicionohet në vendin  e dhjetë në Premier League. Wolves renditen të 17-tët.

B.T (Dosja.al)

Sondazh

Poll

MË SHUMË