Sport

Nuk mungojnë surprizat në Kupën e Gjermanisë, Darmstadt eliminon Gladbach

Ai që nuk shkaktoi befasinë ishte Hoffenheim, i cili e zgjati momentin e mirë të ligës me një fitore të madhe (5-1) ndaj Schalkes

19 Tetor 2022, 06:46 Nga DOSJA
Nuk mungojnë surprizat në Kupën e Gjermanisë, Darmstadt
Tietz feston golin e parë të Darmstadt kundër Gladbach

GJERMANI - Darmstadt, një skuadër e kategorisë së dytë në futbollin gjerman, bëri surprizën e madhe të raundit të dytë të Kupës së Gjermanisë, pasi nxorri nga gara Borussia Moenchengladbach, duke e mundur 2-1 të martën. Një gol i Aaron Seydel njëmbëdhjetë minuta para fundit shpërbleu guximin e Darmstadt-it, liderit të Bundesligës 2. Tietz (23’) pë-r vendësit dhe Netz (48’) për Borrussian, kishin shënuar më parë.

Ai që nuk shkaktoi befasinë ishte Hoffenheim, i cili e zgjati momentin e mirë të ligës me një fitore të madhe (5-1) ndaj Schalkes, në të vetmen ndeshje të martën mes dy skuadrave nga kategoria më e lartë e futbollit gjerman.

Wolfsburgu u kualifikua gjithashtu për në fazën tjetër, pasi mundi skuadrën e kategorisë së dytë Eintracht Braunschweig 2-1, falë një goli në minutën e 65-të të mesfushorit polak Jakub Kaminski.

Më i dhimbshëm ishte kualifikimi i Bochumit, të cilit iu desh të priste 85 minuta për të mundur Elversberg, skuadër e kategorisë së tretë të futbollit gjerman, 0-1, me golin e francezit Anthony Losilla.

B.T (Dosja.al)

Sondazh

Poll

MË SHUMË