Sport

Ferrero shfaqet në stadium për Sampdoria-Roma, tifozët dalin kundër tij, ky i fundit arratiset me forca të shumta policie

Sampdoria-Roma u karakterizua nga momente tensioni. Ultrasit e Sampdorias ishin në dijeni të pranisë në stadium të ish-presidentit Massimo Ferrero.

17 Tetor 2022, 20:40 Nga DOSJA

Ferrero shfaqet në stadium për Sampdoria-Roma, tifozët dalin

ITALI- Sampdoria-Roma u karakterizua nga momente tensioni. Ultrasit e Sampdorias ishin në dijeni të pranisë në stadium të ish-presidentit Massimo Ferrero. Ish-bosi i Sampdorias ishte arrestuar për mashtrim dhe kështu zemërimi i një pjese të tifozëve ishte i egër. Një grup i madh forcash policie penguan tifozët të hynin në zonën e tribunës. Një nga vendet VIP në sektorin e stadiumit i ishte rezervuar Ferreros por sapo kuptoi klimën e tensionit që ishte krijuar në ato momente emocionuese, u detyrua të largohej nga stadiumi.

Arratisja e Ferreros u dokumentua nga disa video. Ferrero shihet duke ikur me vrap i shoqëruar nga policia që po përpiqet ta nxjerrë nga një dalje dytësore. "Ferrero njeri m****", ishte kori i tifozëve të Sampdorias. Ferrero kishte mbërritur në stadium me truprojën e tij të besuar, por pasi pa se situata po bëhej e nxehtë, ai u këshillua nga forcat e rendit të largohej nga stadiumi.

E.Ç (Dosja.al)

sampdoria ferrero

Sondazh

Poll

MË SHUMË