Bota

Të paktën 33 persona kanë vdekur nga përmbytjet dhe rrëshqitjet e dheut në Nepal

Qindra shtëpi janë dëmtuar nga përmbytjet ndërkohë që të paktën 22 persona janë ende të zhdukur në të gjithë provincën dhe dhjetëra të tjerë janë plagosur. Ekipet e shpëtimit kanë përshkruar vështirësitë për të arritur në rajonin malor mes reshjeve të vazhdueshme.

12 Tetor 2022, 11:16 Nga d.a.
Të paktën 33 persona kanë vdekur nga përmbytjet dhe
Permbytje ne Nepal

NEPAL- Të paktën 33 persona kanë vdekur nga përmbytjet dhe rrëshqitjet e dheut në Nepalin perëndimor gjatë javës së kaluar, raportojnë mediat lokale. Shirat goditën provincën Karnali në veri-perëndim, ku mijëra banorë u evakuuan, thanë zyrtarët.

Sipas BBC, qindra shtëpi janë dëmtuar nga përmbytjet ndërkohë që të paktën 22 persona janë ende të zhdukur në të gjithë provincën dhe dhjetëra të tjerë janë plagosur. Ekipet e shpëtimit kanë përshkruar vështirësitë për të arritur në rajonin malor mes reshjeve të vazhdueshme.

“Ne kemi mobilizuar policët në terren. Ne kemi rregulluar një helikopter për shpëtimin ajror nga Surkhet”, tha një zëdhënës i policisë.

Shumica e raportimeve të personave të zhdukur erdhën nga lagjia e Kalikot ku mijëra njerëz u evakuuan nga shtëpitë e tyre atje gjatë javës së kaluar mes paralajmërimeve për shira intensiv.

Në disa zona të provincës, lumi Karnali ishte ngritur në mbi 12 metra, thanë autoritetet e urgjencës të Nepalit, ku disa ura të varura mbi lumë u mbuluan tërësisht.

Zyrtarët qeveritarë kanë dërguar ndihma në rajon me helikopterë. Ndërkohë, agjencitë humanitare të OKB-së thanë se po shpërndanin ushqim dhe ilaçe për komunitetet më të prekura në Nepalin perëndimor.

Nepali po i afrohet fundit të sezonit të musonit, i cili zakonisht fillon në qershor dhe përfundon në tetor. Të paktën 110 njerëz kanë vdekur këtë vit në fatkeqësitë e lidhura me shiun, sipas Qendrës Kombëtare të Operacionit të Emergjencave.

permbytje ne nepal 33 viktima ne nepal

Sondazh

Poll

MË SHUMË