Bota

E rëndë në Kosovë, e reja përdhunohet në makinë nga një burrë në Vushtrri

Sipas njoftimit të policisë, pas denoncimit të së resë dhe marrjes së dëshmisë së saj, autori i dyshuar është dërguar në paraburgimi ndërkohë që vijojnë hetimet për zbardhjen e ngjarjes.

12 Tetor 2022, 09:30 Nga d.a.
E rëndë në Kosovë, e reja përdhunohet në
Foto ilustruese

KOSOVË- Një rast tjetër përdhunimi është raportuar në Kosovë ku një mashkull ka sulmuar seksualisht në automjetin e tij një grua në Vushtrri.

Sipas njoftimit të policisë, pas denoncimit të së resë dhe marrjes së dëshmisë së saj, autori i dyshuar është dërguar në paraburgimi ndërkohë që vijojnë hetimet për zbardhjen e ngjarjes.

"SULM SEKSUAL/Vushtrri 11.10.2022-11:30 – 11:55. Është arrestuar i dyshuari mashkull kosovar, nën dyshimin se i njëjti, në automjetin tij e ka sulmuar seksualisht viktimën femër kosovare. Palët janë intervistuar dhe me vendim të prokurorit, i dyshuari është dërguar në mbajtje."-thuhet në njoftimin e policisë.

Ky është rasti i disatë i përdhunimit të të miturve dhe grave në Kosovë ku vetëm pak javë më parë përdhunimi i një 11-vjeçareje në një park në Prishtinë nga 5 burra për rreth 7 orë shkaktoi indinjatë në të gjithë vendin duke ngritur protesta në Prishtinë, Tiranë dhe Shkup. Ngjarja e rëndë ka ndodhur në Dragodan të Prishtinës më 27 gusht, ku 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Fillimisht janë arrestuar 4 nga 5 autorët e dyshuar të ngjarjes ndërkohë që i pesti u dorëzua në polici pas 3 ditësh.

perdhunohet e reja ne kosove

Sondazh

Poll

MË SHUMË