Sport

FATKEQESIA! Shkon në 19 numri i të vdekurve nga orteku në Himalaja, 10 të zhdukur...

Një grup prej 34 studentësh nga kursi i avancuar i alpinizmit dhe shtatë instruktorë po ngjiteshin në majën 5670 metra të lartë Draupadi Danda II në Himalaje, kur u goditën nga një ortek të martën e kaluar.

7 Tetor 2022, 12:10 Nga DOSJA

FATKEQESIA! Shkon në 19 numri i të vdekurve nga orteku në

INDI - Të paktën 19 njerëz vdiqën, duke përfshirë studentë dhe instruktorë, ndërkohë që dhjetë të tjerë janë ende të zhdukur. Ky është bilanci më i fundit, i viktimave të zbuluara këtë të premte, pasi një ortek në fillim të kësaj jave, goditi anëtarët e një kursi alpinizmi në një majë në veri të Indisë.

"Dhjetë njerëz janë ende të zhdukur dhe deri më tani 19 trupa janë gjetur në operacionet e shpëtimit, tre në 24 orët e fundit,"- i tha EFE Survinder Singh Chauhan, zëdhënës i Institutit të Alpinizmit Nehru. Ky është një organ elitar me bazë në shtetin verior të Uttarakhand, që trajnon si ushtarakë, ashtu edhe civilë.

Një grup prej 34 studentësh nga kursi i avancuar i alpinizmit dhe shtatë instruktorë po ngjiteshin në majën 5670 metra të lartë Draupadi Danda II në Himalaje, kur u goditën nga një ortek të martën e kaluar. Operacionet e kërkim-shpëtimit vazhdojnë, tha Chauhan, megjithëse moti i keq në zonë i bën të vështira kërkimet.

Mukesh Pawar, një ish-instruktor në institut dhe tani një udhërrëfyes malor, u ankua se kjo është "hera e parë që ka ndodhur një ortek kaq i madh" gjatë një kursi.

Formimi i Institutit të Alpinizmit Nehru (NIM) daton në vitin 1965 me nxitjen e Ministrisë së Mbrojtjes të Indisë, nën krahun e së cilës vazhdon të funksionojë, duke ofruar kurse "bazë" dhe të avancuara alpinizmi. Trajnimi i avancuar 28-ditor përfshin teknika ngjitjeje në shkëmb dhe akull si dhe ngjitje në majën ku ndodhi orteku.

"Nuk e di se çfarë e shkaktoi ortekun, por në shikim të parë më kujtohet se dukej shumë i prirur ndaj rrëshqitjeve të dheut. Ato mund të ndodhin kur një grup i madh njerëzish ngjiten ose zbresin ngadalë dhe rruga që ata krijojnë mund të shkaktojë shtresën e sipërme ( e borës ) është shumë e lirshme”,- shpjegoi ai.

B.T (Dosja.al)

Sondazh

Poll

MË SHUMË